ଭୁବନେଶ୍ୱର,୩୧/୦୧: ଭାରସାମ୍ୟ ହରାଇ କାର୍କୁ ଧକ୍କା ଦେଲା ପାଇପ୍ ବୋଝେଇ ଟ୍ରକ୍ । ଦୁର୍ଘଟଣା ଘଟାଇ ଖସି ଯାଉଥିବା ବେଳେ ଧରା ପଡ଼ିଲା ଟ୍ରକ୍ । ଦୁର୍ଘଟଣାରେ ଅଳ୍ପକେ ବର୍ତ୍ତିଲେ ଦୁଇ ଜଣ ଯୁବକ । ସେମାନଙ୍କ ମଧ୍ୟରୁ ଜଣେ ଯୁବ ସାମ୍ୱାଦିକ ତପନ ପ୍ରଧାନ ବୋଲି ଜଣା ପଡ଼ିଛି । ଭଦ୍ରକ ଜିଲ୍ଲା ଧାମନଗର ଅଞ୍ଚଳରେ ଏଭଳି ଘଟଣା ଘଟିଥିବାର ଖବର ସାମ୍ନାକୁ ଆସିଛି ।
ସୂଚନା ମୁତାବକ, ଧାମନଗର ପ୍ରେସ କ୍ଲବର ବାର୍ଷିକ ଉତ୍ସବ ଉପଲକ୍ଷେ ବିଭିନ୍ନ କାର୍ଯ୍ୟ ସାରି ବିଳମ୍ବିତ ରାତିରେ ଭଦ୍ରକରୁ କାର୍ ଯୋଗେ ଫେରୁଥିଲେ ଧାମନଗର ପ୍ରେସ କ୍ଲବର ସଭାପତି ବୈକୁଣ୍ଠ ନାଥ ସାହୁ ଏବଂ ଯୁବ ସାମ୍ବାଦିକ ତପନ ପ୍ରଧାନ । ଏହି ସମୟରେ ଚିଙ୍ଗିଡିପୁର ନିକଟରେ କଲିକତାରୁ ଅନୁଗୁଳକୁ ଆସୁଥିବା ପାଇପ୍ ବୋଝେଇ ଟ୍ରକ୍ ଭାରସାମ୍ୟ ହରାଇ ଗାଡ଼ିକୁ ପିଟି ଖସିଯିବାକୁ ଉଦ୍ୟମ କରିଥିଲା । ଏହା ଦେଖି ବୈକୁଣ୍ଠ ନାଥ ସାହୁ ନିଜର ଉପସ୍ଥିତ ବୁଦ୍ଧିକୁ ବ୍ୟବହାର କରିଥିଲେ । ତୁରନ୍ତ ଛତାବର ଟୋଲ ଗେଟ କର୍ତ୍ତୃପକ୍ଷଙ୍କ ସହ ଯୋଗାଯୋଗ କରି ଗାଡିକୁ ଧରିବାରେ ସକ୍ଷମ ହୋଇଥିଲେ । ସଙ୍ଗେ ସଙ୍ଗେ ଖବର ପାଇ ପ୍ରେସ୍ କ୍ଲବର ସଦସ୍ୟ ମାନେ ଘଟଣା ସ୍ଥଳରେ ପହଞ୍ଚି ଘଟଣା ସମ୍ପର୍କରେ ପୋଲିସକୁ ଖବର ଦେଇଥିଲେ । ଖବର ପାଇ ପୋଲିସ ଘଟଣାସ୍ଥଳରେ ପୋଲିସ ପହଞ୍ଚି ତଦନ୍ତ ଚଳାଇଛି ।
ଏହି ଖବରଟିକୁ ପଢନ୍ତୁ- ବିଦ୍ୟୁତ ଆଘାତରେ ଯୁବକ ମୃତ, କ୍ଷତିପୂରଣ ଦାବିରେ ଚାନ୍ଦିପୁଟରେ ରାସ୍ତା ଅବରୋଧ
ତେବେ ଚିଙ୍ଗିଡିପୁର ଠାରେ ୱାନ ୱେ ରୋଡ ଦୁର୍ଘଟଣାର ମୁଖ୍ୟ କାରଣ । ଆଜିକୁ ଦେଢ଼ ବର୍ଷ ହେବ ୧୬ ନମ୍ୱର୍ ଜାତୀୟ ରାଜପଥର ବିଷ୍ଣୁପୁର ନିକଟରେ ଓଭର ବ୍ରିଜ କାମ ମନ୍ଥର ଗତିରେ ଚାଲୁଛି । ପ୍ରତ୍ୟେକ ଦିନ ଅନେକ ଦୁର୍ଘଟଣା ଘଟିଛି । ଜିଲ୍ଲା ପ୍ରଶାସନକୁ ତୁରନ୍ତ ଓଭର ବ୍ରିଜ କାମ ସମ୍ପୂର୍ଣ୍ଣ କରିବା ପାଇଁ ଅନୁରୋଧ କରାଯାଇଛି ।
