ନୂଆଦିଲ୍ଲୀ,୧୦/୦୯: ହଲିଉଡର ଲୋକପ୍ରିୟ ଅଭିନେତା ଜେମ୍ସ୍ ଅର୍ଲ ଜୋନ୍ସଙ୍କ ପରଲୋକ । ୯୩ ବର୍ଷ ବୟସରେ  ସେ ଦୁନିଆକୁ ଅଲବିଦା କହିଛନ୍ତି । ସୋମବାର ନ୍ୟୁୟର୍କର ହୁଡସନ୍ ଭ୍ୟାଲି ସ୍ଥିତ ତାଙ୍କ ବାସଭବନରେ ସେ ଶେଷ ନିଶ୍ୱାସ ତ୍ୟାଗ କରିଥିବା ତାଙ୍କ ଏଜେଣ୍ଟ ବେରୀ ମ୍ୟାକଫର୍ସନ ସୂଚନା ଦେଇଛନ୍ତି । ତେବେ ଜେମ୍ସ୍ ତାଙ୍କ ଗମ୍ଭୀର ଅୱାଜ୍ ପାଇଁ ବେଶ୍ ଜଣାଶୁଣା । ‘ଡାର୍ଥ ୱାଡର’ ଏବଂ ‘ମୁଫାସା’ ଭଳି ଚରିତ୍ରକୁ ସେ ସ୍ୱର ଦେଇଛନ୍ତି ।

ସୂଚନା ମୁତାବକ, ୧୯୩୧ ମସିହା ଜାନୁଆରୀ ୧୭ରେ ମିସିସିପିରେ ଜେମ୍ସ୍ ଅର୍ଲ ଜୋନ୍ସ ଜନ୍ମ ଗ୍ରହଣ କରିଥିବା ବେଳେ ସେ ପିଲାଦିନୁ ଜାତିଗତ ଭେଦଭାବର ସମ୍ମୁଖୀନ ହୋଇଥିଲେ । ୧୯୬୫ରେ  ସେ ଡେ ଟାଇମ୍ ଟିଭିରେ ପରିଚୟ ସୃଷ୍ଟି କରିଥିବା ପ୍ରଥମ ଆଫ୍ରିକୀୟ ତଥା ଆମେରିକୀୟ କଳାକାରଙ୍କ ମଧ୍ୟରୁ ଅନ୍ୟତମ । ‘ଫିଲ୍ଡ ଅଫ୍ ଡ୍ରିମ୍ସ’, ‘ଦି ଗ୍ରେଟ୍ ହ୍ୱାଇଟ୍ ହୋପ୍‌’ ଏବଂ ‘ରୁଟ୍ସ୍‌: ଦି ନେକ୍ଟ ଜେନେରେସନ୍‌’ ଭଳି ଫିଲ୍ମରେ  ଯୋଗଦାନ କରି ବେଶ ପରିଚିତ ହୋଇଛନ୍ତି । ସେ ୨ଟି ଏମି,ଗୋଟିଏ ଗୋଲ୍ଡେନ୍ ଗ୍ଲୋବ୍‌, ୨ଟି ଟୋନୀ ଆୱାର୍ଡ଼, ଗୋଟିଏ ଗ୍ରାମୀ, ନ୍ୟାସନାଲ ମେଡାଲ ଅଫ୍ ଆଟ୍ସ ଏବଂ କେନେଡୀ ସେଣ୍ଟର ଅନର୍ସ ପୁରସ୍କାରରେ ସମ୍ମାନିତ ହୋଇଛନ୍ତି । ତାଙ୍କ ନିଧନ ହଲିଉଡ୍ ଫିଲ୍ମ ଇଣ୍ଡଷ୍ଟ୍ରିରେ ଏକ ଶୋକର ଛାୟା ଖେଳିଯାଇଛି ।