ନୂଆଦିଲ୍ଲୀ - ଗତ ଦିନରେ କାଶ୍ମୀରର ଅନନ୍ତନାଗରେ ଆତଙ୍କବାଦୀଙ୍କ ଦ୍ୱାରା ଗୁଳିକାଣ୍ଡ ଘଟଣା ଘଟିଥିଲା। ଏଥିରେ ଜୟପୁରର ଦମ୍ପତି ଆହତ ହୋଇଥିଲେ। ଏହି ଘଟଣାରେ ଆହତ ମହିଳା ଫରହା ଗୁରୁବାର ଜୟପୁରରେ ପହଞ୍ଚିଛନ୍ତି। ଜୟପୁରରେ ପହଞ୍ଚିବା ପରେ ଫରହାଙ୍କୁ ଚିକିତ୍ସା ପାଇଁ ଏସଏମଏସ୍‌ ହସ୍ପିଟାଲର ଟ୍ରମା ସେଣ୍ଟର ନିଆଯାଇଛି, ଯେଉଁଠି ତାଙ୍କର ସିଟି ସ୍କାନ ମଧ୍ୟ ହୋଇଛି ଏବଂ ଡ୍ରେସିଂ କରାଯାଇଛି। ଫରହାଙ୍କ ସ୍ୱାମୀ ତବରେଜ ମଧ୍ୟ ଏହି ଘଟଣାରେ ଆହତ ହୋଇ ଥିଲେ। ତାଙ୍କୁ ଚିକିତ୍ସା ପାଇଁ ଚେନ୍ନାଇ ରେଫର କରାଯାଇଛି। 

ଫରହା ଏହି ଘଟଣାକୁ ଏବେସୁଦ୍ଧା ଭୁଲି ପାରି ନାହାନ୍ତି। ଫରହା ନ୍ୟୁଜ୍‌ ଏଜେନ୍ସି ଏଏନଆଇ ସହ କଥାବାର୍ତ୍ତାରେ ଆତଙ୍କବାଦୀଙ୍କ ଦ୍ୱାରା କରାଯାଇ ଥିବା ହମଲା ଏବଂ ଫାୟାରିଂର ଘଟଣା ବିଷୟରେ କହିଛନ୍ତି। ଏହାସହ ଆତଙ୍କବାଦୀଙ୍କୁ କଡ଼ା ସଜା ଦେବାକୁ ଦାବି ମଧ୍ୟ କରିଛନ୍ତି ଏବଂ ନିଜ ସ୍ୱାମୀଙ୍କ ଚିକିତ୍ସା ପାଇଁ ପ୍ରଧାନମନ୍ତ୍ରୀଙ୍କୁ ଗୁହାରି କରିଛନ୍ତି। 

ଉଲ୍ଲେଖନୀୟ ଯେ, କାଶ୍ମୀରର ଅନନ୍ତନାଗକୁ ବୁଲିବାକୁ ଯାଇଥିବା ରାଜସ୍ଥାନର ଜଣେ ଦମ୍ପତିଙ୍କ ଉପରେ ୧୮ମେ'ରେ ଆତଙ୍କବାଦୀମାନେ ଫାୟାରିଂ କରି ଥିଲେ। ଏଥିରେ ପତି-ପତ୍ନୀ ଗୁଳି ବାଜିବାରୁ ଗୁରୁତର ଭାବେ ଆହତ ହୋଇଥିଲେ, ଏହାପରେ ଦୁହିଁଙ୍କୁ ଚିକିତ୍ସା ପାଇଁ ହସ୍ପିଟାଲରେ ଭର୍ତ୍ତି କରାଯାଇ ଥିଲା। ଏବେ ପୀଡ଼ିତ ମହିଳା ମିଡ଼ିଆକୁ ଆସି ଘଟଣା ବିଷୟରେ ବିସ୍ତାର ଭାବେ କହିଛନ୍ତି। 

ଫରହା କହିଛନ୍ତି ,ମୁଁ ଓ ମୋର ପତି ୧୩ ମେ' ରେ ବୁଲିବାକୁ କାଶ୍ମୀର ଯାଇଥିଲୁ। ମୁଁ ନିଜ ସ୍ୱାମୀଙ୍କୁ କହୁଥିଲି କି , ସବୁ ଲୋକ କାଶ୍ମୀର ସୁରକ୍ଷା ବ୍ୟବସ୍ଥାକୁ ନେଇ ପ୍ରଶ୍ନ ଉଠାଉଛନ୍ତି, କିନ୍ତୁ ଏଠାରେ ତ ସବୁ ସାଧାରଣ ସହର ଭଳି ଯେମିତି। ଆମର ସଂପର୍କୀୟ ବି ଆମ ସହ ଏହି ଟ୍ରିପ୍‌ରେ ବୁଲବାକୁ ଯାଇଥିଲେ। ୧୮ ମେ'ରେ ଆମେ ସମସ୍ତେ ଆମ ହୋଟେଲରେ ପହଞ୍ଚି ଗଲୁ। ମୁଁ ଓ ମୋ ସ୍ୱାମୀ ସବୁଠୁ ପଛରେ ଥିଲୁ। ସେତେବେଳ ଫାୟାରିଂ ହେଲା ଏବଂ ଗୁଳି ମୋ ସ୍ୱାମୀଙ୍କ ଠାରେ ବାଜିଲା। ଏହାପରେ ମୋ ଠାରେ ବି ଗୁଳି ବାଜିଲା।

ମୁଁ ଦେଖିଲି ଫାୟାରିଂ ବେଳେ ମୋ ପୁଅ ଭୟଭୀତ ହୋଇ ଚୌକି ପଛରେ ଲୁଚି ଗଲା। ମୁଁ ନିଜ ପିଲାକୁ ବଞ୍ଚାଇବାକୁ ଦୌଡ଼ିଲା ବେଳେ ଗୋଟିଏ ଗୁଳି ମୋ ଠାରେ ବାଜି ଥିଲା। ଏହି ସମୟରେ ମୁଁ ମୋ ସ୍ୱାମୀଙ୍କୁ ଦେଖିଲି , ତାଙ୍କ ଦୁଇ ଆଖିରୁ ରକ୍ତ ବାହାରୁ ଥିଲା। ମୋ କାନ୍ଧରୁ ରକ୍ତ ବହୁଥିଲା। ଆମେ ଦୁହେଁ ଜୋରରେ ପାଟି କରୁଥିଲୁ , କାନ୍ଦୁ ଥିଲୁ। ଏହାପରେ ଆମର ସଂପର୍କୀୟ ହୋଟେଲରୁ ବାହାରି ଆମକୁ ହସ୍ପିଟାଲ ନେଇଗଲେ। ସେଠାରୁ ଆମକୁ ଫୋର୍ସ ଆଉ ଏକ ହସ୍ପିଟାଲକୁ ନେଇଗଲେ। ସେଠାରେ ଆମର ବହୁତ ଧ୍ୟାନ ରଖାଗଲା। ମୋ ସ୍ୱାମୀଙ୍କର ୫ଘଣ୍ଟା ଯାଏ ଆଖି ଓ ନାକର ସର୍ଜରୀ ହୋଇ ଥିଲା। ଫରହା କହିଛନ୍ତି  , ମୋ ସ୍ୱାମୀଙ୍କ ଦୁଇ ଆଖି ଖରାପ ହୋଇ ଯାଇଛି, ତାଙ୍କୁ କିଛି ଦେଖା ଯାଉ ନାହିଁ । ମୋ କାନ୍ଧ ବି ସର୍ଜରୀ ହୋଇଛି। ଆମେ କାଶ୍ମୀରରୁ ଜୟପୁର ଆସିଗଲୁ। ମୋ ସ୍ୱାମୀଙ୍କୁ ତାଙ୍କର ଆଖି ଚିକିତ୍ସା ପାଇଁ ଚେନ୍ନାଇ ରେଫର କରାଯାଇଛି। ମୁଁ ପ୍ରଧାନମନ୍ତ୍ରୀ ଜୀ ଓ ମୁଖ୍ୟମନ୍ତ୍ରୀ ଜୀଙ୍କୁ ଅନୁରୋଧ କରିବାକୁ ଚାହୁଁଛି କି ଆପଣ ଆମର ଏତିକି ସାହାଯ୍ୟ କରନ୍ତୁ। ଏବେ ମୋ ସ୍ୱାମୀଙ୍କ ପାଇଁ ଅନ୍ତତଃ ଆଖିଟିଏ ଡୋନେଟ୍‌ କରାଇ ଦିଅନ୍ତୁ ।