ନୂଆଦିଲ୍ଲୀ,୧୫/୬: ଆଉ ପାଦେ ଆଗେଇଛି ପ୍ରତିରକ୍ଷା ବିଭାଗ। ଭାରତୀୟ ସେନାକୁ ମିଳିଛି ପ୍ରଥମ ସ୍ୱଦେଶୀ ଆତ୍ମଘାତି ଡ୍ରୋନ୍ ‘ନାଗାସ୍ତ୍ର-୧’ । ଏହି ଡୋନକୁ ଶତ୍ରୁ ପକ୍ଷର ରାଡାର ମଧ୍ୟ ଧରିବାରେ ବିଫଳ ହେବ । ଏବେ ଏୟାର ଷ୍ଟ୍ରାଇକ୍ ପାଇଁ ଆଉ ଫାଇଟର ଜେଟର ପଡ଼ିବ ନାହିଁ ଆବଶ୍ୟକତା ।  ଆତଙ୍କବାଦୀଙ୍କ ଉପରେ ଏୟାର ଷ୍ଟ୍ରାଇକ୍ କରିବାରେ ସକ୍ଷମ ହେବ ଏହି ସ୍ୱଦେଶୀ ଡ୍ରୋନ ।

ତେବେ  ଏୟାରଷ୍ଟ୍ରାଇକରେ ସାହାଯ୍ୟ କରିବ 'ନାଗାସ୍ତ୍ର-୧'। ଉଚିତ ସମୟରେ ଶତ୍ରୁଙ୍କ ଠିକଣାରେ କରିପାରିବ ଏୟାରଷ୍ଟ୍ରାଇକ। କେବଳ ସେତିକି ନୁହେଁ, 'ନାଗାସ୍ତ୍ର-୧' କୁ ରାଡାର ମଧ୍ୟ ଧରିପାରିବ ନାହିଁ। ଏହି ସ୍ୱଦେଶୀ ଆତ୍ମଘାତି ଡ୍ରୋନ୍ ବଙ୍କର, କ୍ୟାମ୍ପ ଓ ଅସ୍ତ୍ରାଗାରକୁ କରିପାରିବ ଧ୍ୱସଂ। ତେବେ ପ୍ରଥମ ପର୍ଯ୍ୟାୟରେ ସେନାକୁ ୧୨୦ଟି ଡ୍ରୋନ ମିଳିଛି। ସେନାକୁ ମୋଟ୍ ୪୫୦ଟି ଡ୍ରୋନ ଯୋଗାଇ ଦିଆଯିବ ବୋଲି ସୂଚନା ରହିଛି। ଭାରତ-ଚୀନ୍ ସୀମା ନୁବ୍ରା ଘାଟିରେ ଏହାର ପରୀକ୍ଷଣ କରାଯାଇଛି।   ୧ରୁ ୪ କିଲୋ ଓଜନର ଅସ୍ତ୍ର ନେଇ ଭରିଥାଏ ଉଡାଣ। ୪ହଜାର ୫ ଶହ ମିଟର ଉପରେ ଉଡ଼ି ଶତ୍ରୁ ଠିକଣା ଧ୍ୱସଂ କରିବ ଏହି ଡ୍ରୋନ । ୬୦ରୁ ୯୦ ମିନିଟ ପର୍ଯ୍ୟନ୍ତ ଉଡ଼ିପାରିବ 'ନାଗାସ୍ତ୍ର-୧'। ୫ କିଲୋମିଟର ଜିପିଏସ୍ ଟାର୍ଗେଟ ରେଂଜ ରହିଛି ଏହାର।