କୋଣାର୍କ,୦୯/୦୭: ସର୍ବଭାରତୀୟ ଧର୍ମଘଟ ଡାକରାରେ ପର୍ଯ୍ୟଟନସ୍ଥଳୀ କୋଣାର୍କରେ ଆଂଶିକ ପ୍ରଭାବ ଦେଖିବାକୁ ମିଳିଛି । କେନ୍ଦ୍ରୀୟ ମିଳିତ ଶ୍ରମିକ ସଂଗଠନ ପକ୍ଷରୁ ମନୋରଞ୍ଜନ ପରିଡାଙ୍କ ନେତୃତ୍ୱରେ ସୂର୍ଯ୍ୟମନ୍ଦିର ସମ୍ମୁଖରେ ବିକ୍ଷୋଭ ପ୍ରଦର୍ଶନ ସହିତ ସୂର୍ଯ୍ୟମନ୍ଦିର ମୁଖ୍ୟ ଦ୍ୱାର ବନ୍ଦ କରାଯାଇଥିଲା। ଫଳରେ ସୂର୍ଯ୍ୟମନ୍ଦିର ପରିଦର୍ଶନରେ ଆସିଥିବା ପର୍ଯ୍ୟଟକମାନେ ନିରାଶ ହୋଇ ଫେରିଥିଲେ।
କୋଣାର୍କକୁ ଯାତ୍ରୀବାହୀ ବସ୍ ଚଳାଚଳ,ବ୍ୟାଙ୍କ, ପୋଷ୍ଟ ଅଫିସ ଆଦି ବନ୍ଦ ରହିଛି । ଏହି ବନ୍ଦ ଯୋଗୁଁ କୋଣାର୍କ ବସଷ୍ଟାଣ୍ଡ, ଚନ୍ଦ୍ରଭାଗା ବେଳାଭୂମି ଶୂନଶାନ ହୋଇ ପଡିଛି।