ମାଲକାନଗିରି, ୨୫।୧ : ଗଣତନ୍ତ୍ର ଦିବସ ପାଳନ ପାଇଁ ଜିଲ୍ଲା ପ୍ରଶାସନ ପକ୍ଷରୁ ସମସ୍ତ ପ୍ରକାର ପ୍ରସ୍ତୁତି ଶେଷ ହୋଇଛି। ମାଲକାନଗିରି ଜିଲ୍ଲା ସ୍ତରୀୟ ପ୍ୟାରେଡରେ ମୁଖ୍ୟଅତିଥି ଭାବେ ମତ୍ସ୍ୟ ଓ ପଶୁସମ୍ପଦ ମନ୍ତ୍ରୀ ଗୋକୁଳା ନନ୍ଦ ମଲ୍ଲିକ ଯୋଗ ଦେଇ ପତକା ଉତ୍ତୋଳନ କରିବେ। ସେଥି ନିମନ୍ତେ ଜିଲ୍ଲାରେ ହାଇ ଆଲର୍ଟ ଜାରି ସହିତ କଡା ସୁରକ୍ଷା ବ୍ୟବସ୍ଥା କରାଯାଇଛି। ପୁଲିସ ସନ୍ଧନୀ କୁକୁର ଦ୍ୱାରା ପରେଡ ସ୍ଥଳ ଯାଞ୍ଚ କରାଯାଇଛି।
ରବିବାର ମାଲକାନଗିରି ଜିଲ୍ଲାସଦର ମହକୁମା ଦଣ୍ଡକାରଣ୍ୟ ମଇଦାନ ଠାରେ ଜିଲ୍ଲା ପ୍ରଶାସନ ପକ୍ଷରୁ ୭୬ତମ ଗଣତନ୍ତ୍ର ଦିବସ ପାଳିତ ହେଉଛି। ମାଲକାନଗିରି ଜିଲ୍ଲାରେ କଡାପୁଲିସ ସୁରକ୍ଷା ମଧ୍ୟରେ ସାଧାରଣତନ୍ତ୍ର ଦିବସ ପାଳନପାଇଁ ଜିଲ୍ଲାପ୍ରଶାସନ ପକ୍ଷରୁ ସମସ୍ତ ପ୍ରକାର ପ୍ରସ୍ତୁତି ସରିଯାଇଛି । ଜିଲ୍ଲାସ୍ତରୀୟ ଗଣତନ୍ତ୍ର ଦିବସରେ ମତ୍ସ ଓ ପ୍ରାଣୀ ସମ୍ପଦ ମନ୍ତ୍ରୀ ଗୋକୁଳା ନନ୍ଦ ମଲ୍ଲିକ ମୁଖ୍ୟଅତିଥି ଭାବେ ଯୋଗଦେଇ ଜାତୀୟ ପତାକା ଉତ୍ତୋଳନ କରି ପ୍ୟାରେଡରେ ଅଭିବାଦନ ଗ୍ରହଣ କରିବେ । ଜିଲ୍ଲାସଦର ମହକୁମା ଠାରେ ଆରକ୍ଷୀ ବାହିନୀ ଓ ବିଭିନ୍ନ ସ୍କୁଲ କଲେଜର ଛାତ୍ର ଛାତ୍ରୀଙ୍କ ସହିତ ପୁଲିସ ବ୍ୟାଣ୍ଡପାର୍ଟି ପରେଡରେ ଭାଗ ନେବେ।ଜିଲ୍ଲାରେ ସ୍ୱାସ୍ଥ୍ୟ, ଶିକ୍ଷା, ସୁରକ୍ଷା ଆଦି କ୍ଷେତ୍ରରେ ଉଲ୍ଲେଖନୀୟ ସଫଳତା ହାସଲକରିଥିବା ବ୍ୟକ୍ତିବେଶଷଙ୍କୁ ମୁଖ୍ୟଅତିଥି ସମ୍ମାନିତ କରିବେ ।
ଗଣତନ୍ତ୍ର ଦିବସ ପାଇଁ ଜିଲ୍ଲା ପୁଲିସ ପ୍ରଶାସନ ପକ୍ଷରୁ ବିଏସଏଫ ଯବାନ, ଏସଓଜି ଜବାନ, ଓଏପି, ଏପିଆର ପୁଲିସ ସହିତ ଏସଡିପିଓ, ଡିଏସପି, ଆସିଷ୍ଟାଣ୍ଡ କମାଣ୍ଡର,ଇନ୍ସପେକ୍ଟର, ସବଇନ୍ସପେକ୍ଟର, ଏଏସଆଇ, ହାବିଲଦାର, ହୋମଗାର୍ଡଙ୍କୁ ସୁରକ୍ଷା ପାଇଁ ମୁତୟନ କରାଯାଇଛି ।
