ମାଲକାନଗିରି,୨୮/୬ : ଗତକାଲି ମଧ୍ୟରାତ୍ରରେ ପ୍ରବଳ ବର୍ଷା ହେବା ଦ୍ୱାରା ମାଲକାନଗିରି ଜିଲ୍ଲା ସଦର ମହାକୁମାସ୍ଥ ୧୧୯କଲୋନୀ ତାରିଣୀ ପିଠ ନିକଟରେ ଥିବା ଦୀନବନ୍ଧୁ ଗରଡ଼ାଙ୍କ ବାଡ଼ିରେ ଥିବା ବୃହତ କୃଷ୍ଣଚୁଡା ଗଛ ଉପୁଡି ପଡି ଥିଲା । ଭଗ୍ୟ ବସତ ଏହି ଗଛଟି ଘର ଉପରେ ନ ପଡି ରାସ୍ତାରେ ପଡି ଯାଇଥିବାରୁ ଘରେ ଶୋଇଥିବା ପରିବାର ଲୋକେ ଅଳ୍ପକେ ବର୍ତ୍ତି ଯାଇଛନ୍ତି । ଗଛଟି ରାସ୍ତା ଉପରେ ପଡ଼ିଯାଇଥିବାରୁ ରାସ୍ତା ଅବରୋଧ ହୋଇଥିଲା, ଆଜି ସକାଳେ ଏ ସମ୍ପର୍କରେ ଅଗ୍ନିଶମ ବିଭାଗକୁ ଫୋନ କରାଯିବାରୁ ଖବରପାଇ ଆଜି ସକାଳୁ ସଙ୍ଗେସଙ୍ଗେ ଅଗ୍ନିଶମ ବିଭାଗ କର୍ମଚାରୀ ଘଟଣାସ୍ଥଳରେ ପହଁଚି ଗଛକାଟି ତୁରନ୍ତ ରାସ୍ତା ସଫା କରିଥିଲେ।
ମାଲକାନଗିରି ଜିଲ୍ଲାକୁ ଗତ ଦୁଇ ଦିନ ହେଲା ଦ୍ଵିତୀୟ ଥର ପାଇଁ ମୌସୁମି ଛୁଇଁ ଥିବାରୁ ଗତ ଦୁଇ ଦିନ ହେବ ଜିଲ୍ଲାରେ ବର୍ଷା ଲାଗି ରହିଛି । ଜିଲ୍ଲାରେ ୨୪ଘଣ୍ଟା ମଧ୍ୟରେ ହାରାହାରି ୪୯.୧୬ପ୍ରତିଶତ ବର୍ଷା ହୋଇଛି । ମାଲକାନଗିରି ବ୍ଲକରେ ୯୪.୮ମିଲି ମିଟର ବର୍ଷା, ମାଥିଲି ବ୍ଲକରେ ୩୫ ମିଲିମିଟର, ଖଇରପୁଟ ବ୍ଲକ ରେ ୮ମିଲିମିଟର,ଚିତ୍ରକୋଣ୍ଡା ବ୍ଲକରେ ୬୮ମିଲିମିଟର, କୋରକୁଣ୍ଡା ବ୍ଲକରେ ୪୦ମିଲିମିଟର, କାଲିମେଳା ବ୍ଲକରେ ୪୧ ମିଲିମିଟର, ପଡିଆ ବ୍ଲକରେ ୫୭ ମିଲି ମିଟର ବର୍ଷା ହୋଇଥିବାର ଜିଲ୍ଲା ଜରୁରୀକାଳୀନ ବିଭାଗ ସୂତ୍ରରୁ ଜଣା ପଡିଛି ।