ଉତ୍ତରପ୍ରଦେଶ, ୪।୨୬: ଉତ୍ତରପ୍ରଦେଶର ଶାହାରନପୁରରେ ଏପରି ଏକ ମନ୍ଦିର ରହିଛି ଯେଉଁଠାରେ ପୂଜାର୍ଚ୍ଚନା କରିବା ଫଳରେ ଆଖି ରୋଗ ଭଲ ହୋଇପାରୁଥିବା ଶ୍ରଦ୍ଧାଳୁଙ୍କ ବିଶ୍ୱାସ ରହିଛି । ମା’ ଫୁଲବତୀ ମନ୍ଦିର ନାମରେ ଏହା ଖ୍ୟାତି ଅର୍ଜନ କରିଛି । ଏହି ମନ୍ଦିରର ନିର୍ମାଣ ପ୍ରାୟ ୫୦୦ ବର୍ଷ ତଳେ ହୋଇଥିଲା । ଏହି ମନ୍ଦିରରେ ପୂଜା ପାଉଥିବା ମା’ ଫୁଲବତୀଙ୍କ ପାଦ ତଳେ ଏକ ଜଳଧାରା ପ୍ରବାହିତ ହେଉଛି । ଏହାର ପାଣିକୁ ଆଖିରେ ଲଗାଇଲେ ନେତ୍ର ରୋଗ ଦୂର ହୋଇଥାଏ ଏପରିକି ଦୃଷ୍ଟିଶକ୍ତି ଫେରି ଆସିଥାଏ ବୋଲି ଶ୍ରଦ୍ଧାଳୁଙ୍କ ବିଶ୍ୱାସ ରହିଛି । ଏହି କାରଣ ପାଇଁ ପ୍ରତିଦିନ ଏଠାକୁ ବହୁସଂଖ୍ଯକ ଶ୍ରଦ୍ଧାଳୁ ଆସିଥାନ୍ତି ।
ଏହି ମନ୍ଦିରର ମହନ୍ତ ବିଜୟଗିରିଙ୍କ କହିବାନୁଯାୟୀ, ତାଙ୍କର ପୂର୍ବଜ ପଣ୍ଡିତ ସୁଖଲାଲ ମା’ ଫୁଲବତୀଙ୍କର ଜଣେ ବଡ଼ ଭକ୍ତ ଥିଲେ । ତାଙ୍କ ଭକ୍ତିରେ ପ୍ରସନ୍ନ ହୋଇ ମା ଫୁଲବତୀ ସୁଖଲାଲଙ୍କୁ ଦର୍ଶନ ଦେଇଥିଲେ । ପରବର୍ତ୍ତୀ ସମୟରେ ସୁଖଲାଲ କନୌଜସ୍ଥିତ ମା’ ଫୁଲମତୀଙ୍କ ମନ୍ଦିରକୁ ଯାଇ ସେଠାରେ ଥିବା ମୂର୍ତ୍ତି ପାଦତଳୁ ଏକ ଇଟା ଶାହାଜାନପୁର ଆଣି ସେଠାରେ ମନ୍ଦିର ନିର୍ମାଣ କରାଇଥିଲେ । ପଣ୍ଡିତ ସୁଖଲାଲଙ୍କ ୯ମ ପିଢ଼ିର ଯିଏ ବର୍ତ୍ତମାନ ଏହି ମନ୍ଦିରରେ ପୂଜାର୍ଚ୍ଚନା କରୁଛନ୍ତି । ଏହି ମନ୍ଦିରରେ ପୂଜା ପାଉଥିବା ମା’ ଫୁଲମତୀଙ୍କ ନିକଟରେ ଅନେକ ଶକ୍ତି ରହିଛି । ବିଶେଷ କରି ଏହି ମନ୍ଦିରରେ ପୂଜାର୍ଚ୍ଚନା କରୁଛନ୍ତି । ଏହି ମନ୍ଦିରରେ ପୂଜା ପାଉଥିବା ମା’ ଫୁଲମତୀଙ୍କ ନିକଟରେ ଅନେକ ଶକ୍ତି ରହିଛି । ବିଶେଷ କରି ଏହି ମନ୍ଦିରରେ ପ୍ରବାହିତ ଜଳ ନେତ୍ରରୋଗ ଠିକ୍ କରିପାରିଥିବାରୁ ପ୍ରତିଦିନ ବହୁସଂଖ୍ୟକ ଭକ୍ତ ଏଠାକୁ ଆସନ୍ତି ।
