ଭୁବନେଶ୍ଵର, ୦୮/୦୭ : ରାଜଧାନୀରେ ଚାଞ୍ଚଲ୍ୟ। ଭୁବନେଶ୍ଵର ଗଧିଆଖାଲ ଅଞ୍ଚଳରେ ପତିଆରା ପାଇଁ ଆତଙ୍କ ଖେଳାଇଲେ ୪ ଦୁର୍ବୃତ୍ତ। ଖଣ୍ଡା ଚୋଟ ଏବଂ ଗୁଳି ମାଡ଼ରେ ଭାଙ୍ଗିଲା ଗାଡ଼ି। ଫଲ୍ସ ଫାଇରିଂ ବେଳେ ଅଳ୍ପକେ ବର୍ତିଲେ ଯୁବକ।
ସୂଚନାନୁଯାୟୀ, ରବିବାର ଭୁବନେଶ୍ଵର ଗଧିଆଖାଲ ଅଞ୍ଚଳରେ ପତିଆରା ପାଇଁ ୪ ଦୁର୍ବୃତ୍ତ ଆତଙ୍କ ଖେଳାଇଛନ୍ତି। ବ୍ଲାଙ୍କ୍ ଫାଇରିଂ କରି ସର୍ବସାଧାରଣରେ ଖଣ୍ଡା ବୁଲାଇଛନ୍ତି। ଯାହାଫଳରେ ଅରବିନ୍ଦ କଲୋନୀବାସୀ ଏବେ ଆତଙ୍କିତ ଅବସ୍ଥାରେ ଅଛନ୍ତି। ତେବେ ଦୁର୍ବୃତ୍ତମାନେ କିଏ ଏବଂ କାହିଁକି ଏଭଳି ଆତଙ୍କ ଖେଳାଇଛନ୍ତି ତାହା ଅସ୍ପଷ୍ଟ ରହିଛି। ସେପଟେ ସିସିଟିଭି ଆଧାରରେ ଅପରାଧୀଙ୍କୁ ଧରିବା ପାଇଁ ସ୍ପେଶାଲ୍ ସ୍କ୍ଵାର୍ଡ ଏବଂ ବଡ଼ଗଡ଼ ଥାନା ପୋଲିସ ଚଢାଉ ଜାରି ରଖିଛି। ଏହି ଘଟଣା ପରେ ପୋଲିସର ସନ୍ଧ୍ୟାକାଳୀନ ପାଟ୍ରୋଲିଂ ଉପରେ ପ୍ରଶ୍ନବାଚୀ ସୃଷ୍ଟି ହୋଇଛି।