ବୌଦ୍ଧ,୧୪।୪ ବୌଦ୍ଧ ଚାରିଛକ ଠାରେ ନିଆଁ ଲାଗି ଜଳିଗଲା ଦୋକାନ ଘର । ଏଥିସହ ନିଆଁରେ ପୋଡି ହୋଇ ଜଣେ ମହିଳା ଗୁରୁତର ହୋଇଛନ୍ତି। ଗୁରତର ମହିଳା ଜଣକ ହେଲେ କୌଶଲ୍ୟା ସ୍ୱାଇଁ । ଗୁରୁତର ଅବସ୍ଥାରେ ତାଙ୍କୁ ପୁରୁଣା କଟକ ମେଡିକାଲରେ ଭର୍ତ୍ତି କରାଯାଇଛି। ଖବର ପାଇ ଚାରିଛକ ଦମକଳ ବାହିନୀ ପହଞ୍ଚି ନିଆଁକୁ ଆୟତ୍ତ କରିଛି।
ସୂଚନା ଅନୁଯାୟୀ ଚାରିଛକ ବଜାର ର କୌଶଲ୍ୟା ସ୍ୱାଇଁ ନିଜ ଘରେ ପାଣିମଟର ଲଗାଇବା ପାଇଁ ଯାଇଥିବା ବେଳେ ହଠାତ ବିଦ୍ୟୁତ ତାର ସଟସର୍କିଟ ହୋଇଥିଲା । ସେଠାରେ ନିଆଁ ଲାଗି ନିକଟରେ ଥିବା ପେଟ୍ରୋଲ ବୋତଲ ରେ ନିଆଁ ଲାଗିଯାଇଥିଲା । ଦେଖୁ ଦେଖୁ ନିଆଁ ଅଣାୟତ୍ତ ହୋଇ କୌଶଲ୍ୟା ଙ୍କ ଦେହରେ ନିଆଁ ଲାଗି ଯାଇଥିଲା । ଫଳରେ କୌଶଲ୍ୟା ପାଟି କରି ତାଙ୍କ ପୁଅ କୁ ଡାକିଥିଲେ। ଗ୍ରାମବାସୀ ଓ ତାଙ୍କ ପୁଅ ଆସି ନିଆଁ ରୁ କୌଶଲ୍ୟା ଙ୍କୁ ବାହାରକୁ ଆଣିଥିଲେ । ଖବର ପାଇ ଚାରିଛକ ଅଗ୍ନିଶମ ବାହିନୀ ପହଞ୍ଚି ନିଆଁ କୁ ଆୟତ୍ତ କରିଥିଲେ । ଅନ୍ୟପଟେ ନିଆଁ ରେ ଜଳିଯାଇ ଗୁରୁତର ଅବସ୍ଥାରେ କୌଶଲ୍ୟା ସ୍ୱାଇଁଙ୍କୁ ପୁରୁଣାକଟକ ଗୋଷ୍ଠୀ ଚିକିତ୍ସାକେନ୍ଦ୍ର ରେ ଭର୍ତ୍ତି କରାଯାଇଛି । ତାଙ୍କର ଗୋଡ଼ ହାତ ନିଆଁ ରେ ପୋଡ଼ି ଯାଇଥିବା ବେଳେ ଅନ୍ୟପଟେ ଦୋକାନ ଓ ଘରେ ଥିବା ଲକ୍ଷାଧିକ ଟଙ୍କାର ସମ୍ପତି ନିଆଁ ରେ ପୋଡ଼ି ସମ୍ପୂର୍ଣ ନଷ୍ଟ ହୋଇଯାଇଥିବା ସୂଚନା ମିଳିଛି ।
