କୋରାପୁଟ,୪।୭ : କୋରାପୁଟ ଜିଲ୍ଲା ମାଛକୁଣ୍ଡ ଥାନା ଅନ୍ତର୍ଗତ କଦମ ଗୁଡ଼ା ଗ୍ରାମ ନିକଟ ଜଙ୍ଗଲରେ ବିସ୍ଫୋରକ ଜବତ୍ କରି ନିଷ୍କ୍ରିୟ କରାଯାଇଛି। ବିଏସଏଫକୁ ଟାର୍ଗେଟ କରି ବିସ୍ଫୋରକ ରଖାଯାଇଥିଲା । ଏହାକୁ ଜବତ୍ ସହ ନିଷ୍କ୍ରିୟ କରିଛି ବିଏସଏଫ ସହ ବୋମା ନିଷ୍କ୍ରିୟ କାରୀ ଦଳ।
ବିଶ୍ଵସ୍ତ ସୁତ୍ରରୁ ଖବର ପାଇ ୬୫ତମ ବିଏସଏଫ ସହ କୋରାପୁଟ ବୋମା ନିଷ୍କ୍ରିୟ ଟିମ ଘଟଣା ସ୍ଥଳରେ ପହଞ୍ଚି ସର୍ଚ୍ଚ ଅପରେସନ କରିଥିଲେ। ସର୍ଚ୍ଚ ଅପରେସନରେ ଦୁଇଟି ଟିଫିନ୍ ବୋମା ସହ ମାଓ ବ୍ୟାନର ଜବତ୍ କରାଯାଇଛି। ବ୍ୟାନରରେ ଗୁମା ଅଞ୍ଚଳ କମିଟି ସିପିଆଇ ମାଓବାଦୀ ବୋଲି ଉଲ୍ଲେଖ ରହିଛି। କିଛି ଦିନର ନିରବତା ପରେ ପୁଣିଥରେ ସକ୍ରୀୟ ହେଉଛନ୍ତି ମାଓବାଦୀ। ଏକ ବଡ଼ ଧରଣ ଅଘଟଣ ଘଟିବା ପୁର୍ବରୁ ବିଏସଏଫ ପକ୍ଷରୁ ଏଡାଇ ଦିଆଯାଇଛି।
