ଓ୍ବିଶିଂଟନ ଡିସି: ଟେସ୍ଲା ସିଇଓ ଏବଂ ସ୍ପେଶ ଏକ୍ସ ମାଲିକ ଏଲନ ମସ୍କ ସର୍ବଦା ଚର୍ଚ୍ଚାରେ ରହିଆସିଛନ୍ତି । ଏବେ ପୁଣି ଥରେ ମସ୍କ ଆମେରିକାର ଉପରାଷ୍ଟ୍ରପତି କମଲା ହ୍ୟାରିସଙ୍କୁ ଟାର୍ଗେଟ କରି ଚର୍ଚ୍ଚାକୁ ଆସିଛନ୍ତି ।ଗର୍ଭପାତ ଉପରେ ପ୍ରତିବନ୍ଧକକୁ ନେଇ ପୂର୍ବତନ ରାଷ୍ଟ୍ରପତି ଡୋନାଲ୍ଡ ଟ୍ରମ୍ପଙ୍କ ମନ୍ତବ୍ୟକୁ କଦର୍ଥ କରିଥିବା ଅଭିଯୋଗ କରି କମଲା ହ୍ୟାରିସଙ୍କ ଉପରେ ବର୍ଷିଛନ୍ତି ଏଲନ ମସ୍କ । ସୋସିଆଲ ମିଡିଆ ପ୍ଲାଟଫର୍ମ ଏକ୍ସରେ ସେ କମଲା ହ୍ୟାରିସଙ୍କୁ ସମାଲୋଚନା କରିଛନ୍ତି ।
କମଲା ହ୍ୟାରିସ ଏକ୍ସରେ ଲେଖିଛନ୍ତି ଯେ, ଡୋନାଲ୍ଡ ଟ୍ରମ୍ପ ଦେଶରେ ଗର୍ଭପାତ ଉପରେ ପ୍ରତିବନ୍ଧକ ଲଗାଇବେ । ଏହାକୁ ରୋକିବାକୁ ଏବଂ ମହିଳାଙ୍କୁ ପ୍ରଜନନ ସ୍ବାଧୀନତା ଫେରାଇବା ଲାଗି ମୁଁ ଏବଂ ରାଷ୍ଟ୍ରପତି ଜୋ ବାଇଡେନ୍ ପୁରା ଶକ୍ତି ଖଟାଇ ଦେବୁ । ଏହା ସହ ଉପରାଷ୍ଟ୍ରପତି କିଛି ଖବରର ଲିଙ୍କ ମଧ୍ୟ ଶେୟାର କରିଛନ୍ତି ।
When will politicians, or at least the intern who runs their account, learn that lying on this platform doesn’t work anymore? pic.twitter.com/wP7H4AJFwG
— Elon Musk (@elonmusk) July 1, 2024
କମଲା ହ୍ୟାରିସଙ୍କ ପୋଷ୍ଟରେ ଜବାବ ଦେଇ ମସ୍କ କହିଛନ୍ତି, ପଲିଟିସିଆନ କିମ୍ବା ଅତିକମ୍ରେ ଜଣେ ଇଣ୍ଟର୍ଣ୍ଣ ଯିଏ ଏକ୍ସ ବ୍ୟବହାର କରୁଛନ୍ତି ସେମାନେ କେବେ ବୁଝିବେ ଯେ ଏହି ମଞ୍ଚରେ ମିଛ କାମ ଦିଏନି । ଏହା ସହ ବାଇଡେନଙ୍କ ସହ ଡିବେଟ ସମୟରେ ଏଭଳି କୌଣସି ଆଇନ୍ ଆଣିବେ ନାହିଁ ବୋଲି ଟ୍ରମ୍ପ କହିଥିବା ନେଇ ମସ୍କ ଏକ୍ସରେ ଲେଖିଛନ୍ତି ।