ନୂଆଦିଲ୍ଲୀ: ମହାରାଷ୍ଟ୍ରର ଉପମୁଖ୍ୟମନ୍ତ୍ରୀ ଏକନାଥ ସିନ୍ଦେ ଏକ ବଡ଼ ଖୁଲାସା କରିଛନ୍ତି। ବିଧାନ ପରିଷଦରେ ଭାଷଣ ଦେବା ସମୟରେ ସିନ୍ଦେ କହିଛନ୍ତି ଯେ, ମହାବିକାଶ ଅଗାଡି (MVA) ସରକାର ସମୟରେ, ଉଦ୍ଧବ ଠାକରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କୁ ଦିଲ୍ଲୀରେ ଭେଟିବା ସମୟରେ କ୍ଷମା ମାଗିଥିଲେ। ଆଉ କହିଥିଲେ ଯେ, ଆମେ ଆପଣଙ୍କ ସହିତ ସରକାର ଗଠନ କରିବାକୁ ଚାହୁଁଛୁ।ତେବେ ମୁମ୍ବାଇ ଆସିବା ପରେ, ସେ (ଉଦ୍ଧବ ଠାକରେ) ଏହି ବକ୍ତବ୍ୟରୁ ମଧ୍ୟ ପଛକୁ ହଟି ଯାଇଥିଲେ।

ବିଧାନ ପରିଷଦରେ ଭାଷଣ ଦେଇ ଏକନାଥ ସିନ୍ଦେ କହିଛନ୍ତି କି, 'ମୁଁ ଆପଣଙ୍କୁ ଏକ ଭିତରର କାହାଣୀ କହୁଛି। ସେମାନଙ୍କର (ଅନିଲ ପରବ) ନେତା (ଉଦ୍ଧବ ଠାକରେ) ମଧ୍ୟ ମୋଦି ଜିଙ୍କୁ ଭେଟିଥିଲେ। କହିଥିଲେ ଦୟାକରି ମୋତେ କ୍ଷମା କରନ୍ତୁ...ମୋଦୀ ସାହେବଙ୍କୁ ଭେଟିଲେ ଏବଂ କହିଲେ ଆମେ ପୁଣି ଆପଣଙ୍କ ସହିତ ଯିବୁ। କିନ୍ତୁ ଯେତେବେଳେ ସେ ଏଠାକୁ (ମୁମ୍ବାଇ) ଆସିଲେ, ସେ ପଛକୁ ମୁହଁ ଫେରାଇଲେ।

ଏହା ସହିତ ସିନ୍ଦେ କହିଛନ୍ତି କି,' ଆପଣ (ଅନିଲ ପରବ) ମଧ୍ୟ ଯାଇଥିଲେ।' ଯେତେବେଳେ ଆପଣଙ୍କୁ ନୋଟିସ ଆସିଥିଲା,ଆପଣ ସେଠାକୁ ଯାଇଥିଲେ। ଆପଣ କହିଲେ, ମୋତେ ଏଠାରୁ (ମାମଲା) ରକ୍ଷା କର। ଯେତେବେଳେ ଆପଣ ସେଥିରୁ ବାହାରି ଆସିଲେ, ଆପଣ ପଛକୁ ବୁଲିଗଲେ। ମୁଁ ଏହା ଜାଣିଛି।

ସିନ୍ଦେ କହିଛନ୍ତି, 'ସେଥିପାଇଁ ମୁଁ ଆପଣଙ୍କୁ କହୁଛି ଯେ ଆମେ ଯାହା କରିଥିଲୁ, ତାହା ଖୋଲାଖୋଲି ଭାବରେ କରିଥିଲୁ।' ଆମେ ଗୁପ୍ତ ଭାବରେ ଯାଇ ନଥିଲୁ । ଯେତେବେଳେ ଶିବସେନା, ଧନୁତୀର ବିପଦରେ ପଡ଼ିଲା,ଯେତେବେଳେ ବାଲାସାହେବଙ୍କ ଚିନ୍ତାଧାରା ବିପଦରେ ପଡ଼ିଲା, ଯେତେବେଳେ ତୁମେ ଔରଙ୍ଗଜେବଙ୍କ ଚିନ୍ତାଧାରା ଗ୍ରହଣ କଲ, ତା’ପରେ ଆମେ ତୁମର (ଉଦ୍ଧବ ଠାକରେ) ଗାଡ଼ିକୁ ଓଲଟାଇ ଦେଲୁ।