ନୂଆଦିଲ୍ଲୀ,୧୮/୦୪: ମିଆଁମାର ଏବଂ ଭାରତ ପରେ, ଆଉ ଏକ ଦେଶରେ ଭୂମିକମ୍ପ ଝଟକା। ଆଜି ସକାଳେ ଉତ୍ତର ଚିଲିରେ ଭୂମିକମ୍ପ ଅନୁଭବ ହୋଇଛି। ଜର୍ମାନ ରିସର୍ଚ୍ଚ ସେଣ୍ଟର ଫର୍ ଜିଓସାଇନ୍ସ ଅନୁଯାୟୀ, ରିକ୍ଟର ସ୍କେଲରେ ଏହାର ତୀବ୍ରତା ୫.୭ ରେକର୍ଡ଼ କରାଯାଇଛି। ଭୂମିକମ୍ପର କେନ୍ଦ୍ରସ୍ଥଳ ପୃଥିବୀର ୧୭୮ କିଲୋମିଟର ଗଭୀରତାରେ ଥିଲା। ଯଦିଓ ଭୂମିକମ୍ପ ଯୋଗୁଁ ଏପର୍ଯ୍ୟନ୍ତ କୌଣସି ଜୀବନ କିମ୍ବା ସମ୍ପତ୍ତି କ୍ଷତିର ଖବର ନାହିଁ, ତଥାପି ଲୋକଙ୍କ ମଧ୍ୟରେ ଭୟର ବାତାବରଣ ରହିଛି।
ତେବେ ଚିଲି ପୂର୍ବରୁ ମିଆଁମାରରେ ଭୋର ସମୟରେ ଭୂମିକମ୍ପ ହୋଇଥିଲା। ଗତକାଲି ମିଆଁମାରରେ ଭୂମିକମ୍ପ ଝଟକା ଅନୁଭୂତ ହୋଇଥିଲା ।ଯାହାର ତୀବ୍ରତା ରିକ୍ଟର ସ୍କେଲରେ ତୀବ୍ରତା ୪ ରେକର୍ଡ଼ କରାଯାଇଥିଲା। ଭୂମିକମ୍ପର କେନ୍ଦ୍ରସ୍ଥଳ ମିଆଁମାରରେ ହିଁ ଥିଲା। କିନ୍ତୁ ମାର୍ଚ୍ଚ ୨୯ ତାରିଖରେ ୭ ରୁ ଅଧିକ ତୀବ୍ରତାର ଏକ ଭୂମିକମ୍ପ ଯୋଗୁଁ ସେବେଠାରୁ ଆଜି ପର୍ଯ୍ୟନ୍ତ ମିଆଁମାରରେ ନିରନ୍ତର ଭୂମିକମ୍ପ ଅନୁଭୂତ ହେଉଛି। ନ୍ୟାସନାଲ ସେଣ୍ଟର ଫର୍ ସିସମୋଲୋଜିର ରିପୋର୍ଟ ଅନୁଯାୟୀ, ଗତକାଲି ରାତିରେ ମେଘାଳୟରେ ଭୂମିକମ୍ପର ଝଟକା ଅନୁଭୂତ ହୋଇଛି। ମେଘାଳୟର ପୂର୍ବ ଗାରୋ ହିଲ୍ସ ଅଞ୍ଚଳରେ ମଧ୍ୟରାତ୍ରିରେ ହୋଇଥିବା ଭୂମିକମ୍ପର ତୀବ୍ରତା ରିକ୍ଟର ସ୍କେଲରେ ୨.୭ ଥିଲା। ଭୂମିକମ୍ପର କେନ୍ଦ୍ରସ୍ଥଳ ୧୦ କିଲୋମିଟର ଗଭୀରରେ ଥିବା ଜଣାପଡିଛି।
