ନୂଆଦିଲ୍ଲୀ ,୨୦/୦୨: ପୁଣି ଥରିଲା ଆଣ୍ଡାମାନ । ଆଜି ସକାଳେ ଆଣ୍ଡାମାନ ସାଗରେ ଭୂକମ୍ପ ଝଟକା ଅନୁଭୂତ ହୋଇଛି। ଏହାର ରିକ୍ଟର ସ୍କେଲରେ ତୀବ୍ରତା ୫.୨ ରେକର୍ଡ଼ କରାଯାଇଛି । ତେବେ ଏହି ଭୂକମ୍ପଜନିତ ଆହତ କିମ୍ବା କ୍ଷୟକ୍ଷତି ସମ୍ବନ୍ଧରେ ଏବେ ସୁଦ୍ଧା କୌଣସି ସୂଚନା ମିଳିପାରିନାହିଁ । ଅନ୍ୟପଟେ ସୁନାମୀ ନେଇ ମଧ୍ୟ ଆଲର୍ଟ ଜାରି କରାଯାଇନାହିଁ । ଭୂକମ୍ପ ସମୟରେ ସ୍ଥାନୀୟ ଲୋକମାନେ ଭୟଭୀତ ହୋଇ ସୁରକ୍ଷିତ ସ୍ଥାନକୁ ଚାଲି ଯାଇଥିବା ନେଇ ଜାତୀୟ ଭୂବିଜ୍ଞାନୀ କେନ୍ଦ୍ର ପକ୍ଷରୁ ସୂଚନା ମିଳିଛି ।
2 hrs ago #earthquake 5.0 has hit Indian Ocean, 10.0km, 6:21 AM GMT+3 (USGS ) https://t.co/zYpLjz5fmE pic.twitter.com/JFEPQKLd9m
— 👩🏻🏫Suzanne Aqeel📚 (@faith_and_peace) February 20, 2025
କୁହାଯାଉଛି ଯେ, ଏହି ଭୂକମ୍ପର କେନ୍ଦ୍ରସ୍ଥଳ ୭୫ କିଲୋମିଟର ଗଭୀରତାରେ ରହିଛି । ସେହିପରି ଗତକାଲି ଅର୍ଥାତ ୧୯ ତାରିଖରେ ମହାରାଷ୍ଟ୍ରର ରାୟଗଡ଼ ଜିଲ୍ଲାର ପେଣ ଓ ସୁଧାଗଡ଼ ଜିଲ୍ଲାରେ ଭୂକମ୍ପ ଝଟକା ଅନୁଭୂତ ହୋଇଥିଲା। ଯଦିଓ ଏହାର ତୀବ୍ରତା ବେଶୀ ନ ଥିଲା । ସୂଚନା ମୁତାବକ ମହାରାଷ୍ଟ୍ରରେ ଗତରାତି ୧୦ ଟାରେ ଏହି ଭୂକମ୍ପ ଝଟକା ଅନୁଭୁତ ହୋଇଥିଲା । ଯାହାକୁ ନେଇ ସ୍ଥାନୀୟ ବାସିନ୍ଦା ଭୟଭୀତ ହୋଇଯାଇଥିଲେ ।
