ଭୁବନେଶ୍ୱର, ୨୧/୦୨: ଜୟପୁର ଏୟାରପୋର୍ଟ ନିକଟରେ ଥିବା ବେଆଇନ ମାଟି ଇଟା ଭାଟି ଉପରେ ପ୍ରଶାସନର କାର୍ଯ୍ୟାନୁଷ୍ଠାନ । ବିମାନ ଉଡାଣ ଓ ଅବତରଣରେ ସୃଷ୍ଟି ହେଉଥିଲା ସମସ୍ୟା । ବାରମ୍ୱାର ନୋଟିସ୍ ତତ୍ତ୍ୱେ ବନ୍ଦ କରିଲେନି ଇଟା ଭାଟି । ଏକାଧିକ ମାଟି ଇଟା ଭାଟି ଭାଙ୍ଗିଲା ପ୍ରଶାସନ । ଏଥିରେ ଜୟପୁର ତହସିଲଦାର, ମାଇନ୍ସ ବିଭାଗ ଓ ଅଗ୍ନିଶମ ବିଭାଗର କର୍ମଚାରୀ ମାନେ ସାମିଲ ହୋଇଥିଲେ ।
ସୂଚନା ମୁତାବକ, ଜୟପୁର ଏୟାରପୋର୍ଟ ନିକଟରେ ବେଆଇନ ମାଟି ଇଟା ଭାଟି ଥିବାରୁ ଏନେଇ ଏୟାରପୋର୍ଟ କତ୍ତୃପକ୍ଷ ଅଭିଯୋଗ କରିଥିଲେ। ବିମାନ ଉଡାଣ ଓ ଅବତରଣରେ ସମସ୍ୟା ସୃଷ୍ଟି ହେଉଥିଲା । ଏନେଇ ବାରମ୍ୱାର ତାଗିଦ୍ ଓ ନୋଟିସ୍ ସତ୍ତ୍ୱେ ଇଟା ପ୍ରସ୍ତୁତ କର୍ତ୍ତା ସେଠାରେ ଇଟା ଭାଟିକୁ ବନ୍ଦ କରୁନଥିଲେ । ବିନା ଅନୁମତିରେ ମାଟି ଇଟା ନିର୍ମାଣ କରି NGTର ଗାଇଡ୍ ଲାଇନ୍ ମଧ୍ୟ ଏହି ଇଟା ଭାଟିର ମାଲିକ ଉଲଂଘନ କରୁଥିଲେ । ତେଣୁ ବାଧ୍ୟ ହୋଇ ପ୍ରଶାସନ ଏପରି ନିଷ୍ପତ୍ତି ନେଇଛି । ଏଥିରେ ଜୟପୁର ତହସିଲଦାର, ମାଇନ୍ସ ବିଭାଗ ଓ ଅଗ୍ନିଶମ ବିଭାଗର କର୍ମଚାରୀ ମାନେ ସାମିଲ ହୋଇଥିଲେ।
