ବୈପାରୀଗୁଡା , ୮।୨ :  ବିବାହ କାର୍ଯ୍ୟରେ ଯୋଗ ଦେବା ନିମନ୍ତେ ଡଙ୍ଗାରେ ନଦୀ ପାର ହେଉଥିଲେ। ମଝି ନଦୀରେ ଡଙ୍ଗାଟି ବୁଡିଯାଇଥିଲା। ସ୍ଥାନୀୟ ଯୁବକଙ୍କ ସହାୟତରେ ସମସ୍ତ ୨୦ ଯାତ୍ରୀଙ୍କୁ ଉଦ୍ଧାର କରାଯାଇଛି। କୋରାପୁଟ ଜିଲ୍ଲା କୁନ୍ଦୁରା ବ୍ଲକ ଅନ୍ତର୍ଗତ କେରମେଟି ପଂଚାୟତ ର କନ୍ଦାଯୋଡ଼ି ନଦୀରେ ଏହି ଅଘଟଣ ଘଟିଛି। 

କନ୍ଦାଯୋଡ଼ି ଗ୍ରାମରେ ଆୟୋଜିତ ବିବାହ କାର୍ଯ୍ୟରେ ଯୋଗ ଦେବା ନିମନ୍ତେ ପାଖାପାଖି ଗାଁର କୋଡିଏ ଜଣ ଲୋକେ ଡ଼ଙ୍ଗାରେ   ନଦୀ ପାର ହେଉଥିଲେ l କିଛି ଦୂରକୁ ଗଲାପରେ   ହଠାତ  ଡ଼ଙ୍ଗାଟି ନଦୀରେ ବୁଡିଯାଇଥିଲା l ଫଳରେ ଡ଼ଙ୍ଗାରେ ବସିଥିବା ଯାତ୍ରୀ ନଦୀରେ ବୁଡ଼ି ଯାଇଥିଲେ l ସଙ୍ଗେ ସଙ୍ଗେ ସ୍ଥାନୀୟ ଯୁବକ ମାନେ ନଦୀରୁ ସମସ୍ତ ଯାତ୍ରୀଙ୍କୁ ଉଦ୍ଧାର କରିଥିଲେ l