ଦଶମନ୍ତପୁର, ୨/୭; ଗତ କିଛି ଦିନ ହେଲା ଅବିଶ୍ରାନ୍ତ ଭାବେ ବର୍ଷି ଚାଲିଛି ବର୍ଷା। ଯାହା ଫଳରେ ଅଞ୍ଚଳ ରେ ଅନେକ ଲୋକଙ୍କ କ୍ଷୟକ୍ଷତି ଘଟିଛି। କେଉଁଠି ବର୍ଷା ଜଳରେ କଲଭର୍ଟ ଧୋଇ ଯାଇଛି ତ ଆଉ କାହାର ବାସ ଘର ଭୁଶୁଡ଼ି ପଡ଼ିଛି। ଦଶମନ୍ତପୁରରେ ବର୍ଷାରେ ୬ ପରିବାରର ଘର କାନ୍ଥ ଭୁଶୁଡି ପଡିଛି।
ଗାଡିଆଗୁଡା ପଞ୍ଚାୟତ ଅଧିନସ୍ଥ ବାଲି ଘାଟ ଗାଁର ଜଗବନ୍ଧୁ କମାର, ଗାଦିଆଗୁଡା ପଞ୍ଚାୟତ ବଗେଇ ପଦର ଗାଁର କିଶୋର ଖରା, ପାଇକ ଫୁଲ ବେଢ଼ାର ମୁକ୍ତା ଡଙ୍ଗ୍ରି, ଦଶମନ୍ତପୁର ସଦର ମହକୁମାର ଶତୃଘ୍ନ ନାଗ, ଫୁଲ ବେଢ଼ା ମଇନା ମାଲର ଝିମିତି ଜାନୀ, ଚଣା ବାଡ଼ ପଞ୍ଚାୟତ ଅଧିନସ୍ଥ କିଟେସର ବସନ୍ତ ଖୋସଲାଙ୍କ ଘର ବର୍ଷାରେ ଭୁଶୁଡି ପଡିଛି। ବର୍ଷା ପାଣିରେ ଘର କାନ୍ଥ ଭୁଶୁଡ଼ି ଯାଇ ଥିବା ଅତିରିକ୍ତ ତହସିଲଦାର ଜଗୁ ପୂଜାରୀ ସୂଚନା ଦେଇ ଛନ୍ତି। ସେମାନଙ୍କୁ ତୁରନ୍ତ ଆର୍ ଆଇ ମାନଙ୍କ ଦ୍ବାରା ଜରୁରୀ କାଳୀନ ଭାବେ ପଲିଥିନ ଦିଆଯିବ। କ୍ଷୟକ୍ଷତି ଆକଳନ କରି ଜିଲ୍ଲା କାର୍ଯ୍ୟାଳୟକୁ ପଠା ଯିବ ବୋଲି ପ୍ରକାଶ କରିଛନ୍ତି। ଏହି ପରିବାର ମାନଙ୍କୁ ସରକାର ପକ୍ଷରୁ ଆବାସ ଘର ଖଣ୍ଡେ ଲେଖାଏଁ ଯୋଗାଇ ଦେଲେ ସେମାନେ ଉପକୃତ ହେବେ ବୋଲି ନିବେଦନ କରିଛନ୍ତି।
