ବ୍ରହ୍ମପୁର, ୨୮/୦୬: ଏମ୍କେସିଜି ମେଡିକାଲ କଲେଜ ଓ ହସ୍ପିଟାଲରେ ଆଉ ଜଣେ ଡିଫ୍ଥେରିଆ ରୋଗୀଙ୍କ ମୃତ୍ୟୁ ହୋଇଛି ।ମୃତକ କୋରାପୁଟ ଜିଲ୍ଲା ନାରାୟଣପାଟଣାର ବୋଲି ଏମ୍କେସିଜି ଶିଶୁରୋଗ ଚିକିତ୍ସା ବିଭାଗ ମୁଖ୍ୟ ପ୍ରଫେସର ନରେନ୍ଦ୍ର ବେହେରା କରିଛନ୍ତି । ରୋଗୀର ବୟସ ୮ବର୍ଷ ହେବ । ସେ ଗତକାଲି କୋରାପୁଟ ଡାକ୍ତରଖାନାରୁ ଏଠାକୁ ଏମ୍କେସିଜି ସ୍ଥାନାନ୍ତର ହୋଇଥିଲେ । ସନ୍ଧ୍ୟାରେ ଏମ୍କେସିଜିରେ ପହଞ୍ଚିବା ପରେ ତାଙ୍କୁ ଅକ୍ସିଜେନ୍ ଦିଆଯାଇଥିଲା । ପରେ ଭେଣ୍ଟିଲେଟରକୁ ନିଆଯାଉଥିଲା । ଏହି ସମୟ ଭିତରେ ରୋଗୀର ମୃତ୍ୟୁ ହୋଇଥିଲା । ଆସିବା ବେଳେ ରୋଗୀର ସ୍ୱାସ୍ଥ୍ୟବସ୍ଥା ଗୁରୁତର ଥିଲା ବୋଲି ସେ କହିଛନ୍ତି । ବର୍ତ୍ତମାନ ରାୟଗଡ଼ାରୁ ବିଶେଷ ରୋଗୀ ଆସୁନାହାନ୍ତି । କୋରାପୁଟରେ କିଛି ରୋଗୀ ଥିବା ପ୍ରଫେସର ବେହେରା କହିଛନ୍ତି ।
ସୂଚନାଯୋଗ୍ୟ ଏହି ମୃତ୍ୟୁକୁ ମିଶାଇ ଏମ୍କେସିଜିରେ ୩ଜଣ ଡିଫ୍ଥେରିଆ ରୋଗୀଙ୍କ ମୃତ୍ୟୁ ହେଲାଣି । ଗତ ୧୨ତାରିଖରୁ କୋରାପୁଟ ଓ ରାୟଗଡ଼ା ଅଞ୍ଚଳରୁ ଏଠାକୁ ରୋଗୀ ଆସୁଥିଲେ । ମୋଟ ୬ଜଣ ରୋଗୀ ଆସିଥିବା ବେଳେ ୩ଜଣଙ୍କ ମୃତ୍ୟୁ ହେଲାଣି ଏବଂ ଆଉ ୩ଜଣ ସୁସ୍ଥ ହୋଇ ଘରକୁ ଫେରିଛନ୍ତି