ନୂଆଦିଲ୍ଲୀ ୨୪/୦୭: ହଲିଓଡ ସିନେମାରେ ମାର୍ଭେଲ ମ୍ୟାଜିକ ପସନ୍ଦ କରୁଥିବା ପ୍ରଶଂସକଙ୍କ ପାଇଁ ଖୁସି ଖବର । ଜୁଲାଇ ୨୬, ଶୁକ୍ରବାର ରିଲିଜ୍ରେ ସିନେମା ହଲରେ ମୁକ୍ତିଲାଭ କରିବାକୁ ଯାଉଛି ମାର୍ଭେଲ ସୁପରହିରୋ ସିନେମା ‘ଡେଡପୁଲ’ର ତୃତୀୟ ସିରିଜ୍ ‘ଡେଡପୁଲ ଆଣ୍ଡ ୱୋଲଭେରାଇନ’ । ରିଲିଜ ହୋଇଥିବା ଟିଜର ଓ ଟ୍ରେଲର ଅନୁସାରେ ଏହାର ସମସ୍ତ ରିଭ୍ୟୁ ସକାରାତ୍ମକ ।
ର୍ୟାନ୍ ରେନଲ୍ଡ ଓ ହଗ୍ ଜ୍ୟାକମ୍ୟାନଙ୍କ ଅଭିନୀତ ଏହି ସିନେମାଟି ରିଲିଜ ହେବା ଆଗରୁ ଟିକେଟ ବୁକିଂରେ ରେକର୍ଡ ଭାଙ୍ଗିବାରେ ଲାଗିଛି । ବକ୍ସ ଅଫିସ ରିପୋର୍ଟରୁ ଜଣା ପଡିଛି ଏହା ଚଳିତବର୍ଷ ହଲିଉଡ ସିନେମାର ସର୍ବବୃହତ ଓପନର ହେବାକୁ ଯାଉଛି । ପ୍ରଥମ ଦିନ ପାଇଁ ଏ ଫିଲ୍ମ ଅଗ୍ରୀମ ୪.୪୬ କୋଟିର ଟିକେଟ ବିକ୍ରି କରିସାରିଛି । ଏହାକୁ ୨୦୧୬ରେ ରିଲିଜ ହୋଇଥିବା ‘ଡେଡପୁଲ’, ୨୦୧୮ରେ ରିଲିଜ ହୋଇଥିବା ‘ଡେଡପୁଲ-୨’ର ସିକ୍ୱେଲ ଭାବେ ସିନେପ୍ରେମୀ ବେଶ୍ ପସନ୍ଦ କରିବେ ବୋଲି ନିର୍ମାତାଙ୍କ ପକ୍ଷରୁ କୁହାଯାଇଛି ।