ନୂଆଦିଲ୍ଲୀ: କମେଡି ଶୋ ଇଣ୍ଡିଆ ଗଟ ଲାଟେଣ୍ଡରେ ବିବାଦିୟ ବୟାନ ଦେବା ପରେ ୟୁଟ୍ୟୁବର ରଣବୀର ଆହ୍ଲାବାଦିଆ ହରଡ ଘଣାରେ ଫଶିଯାଇଛନ୍ତି। ତାଙ୍କ ନାମରେ ଫୁଣି ଆଉ ଏକ ମାମଲା ରୁଜୁ କରିଛି ରାଜସ୍ଥାନ ପୋଲିସ। ଖବର ମୁତାବକ ଜୟପୁରରେ ଥିବା ଜୟ ରାଜପୁତାନା ସଂଘ ଆହ୍ଲାବାଦିଆ, ସମୟ ରାଇନା, ଆଶିଷ ଚଞ୍ଚଲାନି, ଅପୂର୍ବା ମୁଖିଜା ଓ ଶୋ’ର ଅନ୍ୟ କେତେକଙ୍କ ନାମରେ ଏକ ମାମଲା ରୁଜୁ କରାଯାଇଛି। ଏହି ମାମଲା ଭାରତୀୟ ନ୍ୟାୟ ସଂହିତା, ସୂଚନା ପ୍ରଯୁକ୍ତିବିଦ୍ୟା ଓ ଅନ୍ୟ ଦଫାରେ ସମସ୍ତଙ୍କ ଉପରେ ମାମଲା ରୁଜୁ କରାୟାିଛି.
ଏହି ମାମଲାଟିକୁ ଖର ପୋଲିସ ଥାନାକୁ ଟ୍ରନ୍ସଫର କରାଯାଇଛି। ବର୍ତ୍ତମାନ ଖର ପୋଲିସ ପୋଲିସ ଏହି ମାମଲାର ଛାନଭିନ କରୁଥିବା ନେଇ ସୂଚନା ମିଳିଛି।
ଏହି ମାମଲାକୁ ମିଶାଇଲେ ଏଯାଏ ସୋ ର ସମସ୍ତ ଜଜ୍ ଙ୍କ ଉପରେ ମୋଟ ତିନିଟି ମାମଲା ଦାଏର ହୋଇସାରିଲାଣି। ଆହ୍ଲାବାଦିଆଙ୍କ ବିବାଦୀୟ ବୟାନ ପରେ ସମଗ୍ର ଦେଶରେ ଏହାକୁ ନେଇ ଅସନ୍ତୋଷ ପ୍ରକାଶ ପାଇଥିଲା। ତେବେ ପୂର୍ବରୁ ଆସାମ ପୋଲିସ, ଗୌହାଟି ସାଇବର ୟୁନିଟ ଓ ମହାରାଷ୍ଟ୍ର ସାଇବର ୟୁନିଟ ଏହାକୁ ନେଇ ନିଜଆଡୁ ମାମଲା ରୁଜୁ କରିସାରିଛନ୍ତି।
ଚଳିତ ବର୍ଷ ଫେବୃଆରୀ ୨୪ ତାରିଖରେ ଇଣ୍ଡିଆ ଗଟ ଲାଟେଣ୍ଡ ନାମକ ଏକ କମେଡି ଶୋ ରେ ଏକ ଜଜ୍ ରୁପେ ୟୁଟ୍ୟବର ରଣବୀର ଆହ୍ଲାବାଦିଆ ଯୋଗ ଦେଇଥିଲେ। ତେବେ ଏହି ଶୋ ରେ ଭାଗ ନେଇତିବା ଜଣେ ପ୍ରତିଯୋଗିଙ୍କୁ ରଣବୀର ତାଙ୍କ ପିତାମାତାଙ୍କ ସହ ଯୌନ ସମ୍ପର୍କକୁ ନେଇ ଏକ ବିବାଦୀୟ ବୟାନ ଦେଇଥିଲେ। ଯେଉଁଥିପାଇଁ ତାଙ୍କୁ ବିଭିନ୍ନ ସୋଶିଆଲ ମିଡିଆ ପ୍ଲାଟଫର୍ମରେ ଟ୍ରୋଲ କରାଯିବା ସହ ତାଙ୍କ ବିରୋଧରେ ବିରୋଧ ପ୍ରଦର୍ଶନ କରାଯାଇଥିଲା। ଆଉ ଏହାକୁ ନେଇ ସୋମବାର ମହାରାଷ୍ଟ୍ର ସାଇବର ୟୁନିଟ ଆହ୍ଲାବାଦିଆଙ୍କ ପାଇଁ ଏକ ସମନ ଜାରି କରିଥିଲା।
ଏହି କମେଡି ଶୋ ର ପ୍ରତିଷ୍ଠାତା ସମୟ ରାଇନା ବର୍ତ୍ତମାନ ଏହି ଶୋକୁ ବନ୍ଦ କରିଦେବା ସହ ଚ୍ୟାନେଲରେ ଥିବା ସବୁ ପୁରାତନ ଭିଡିଏକୁ ଡିଲିଟ କରିଦେଇଛନ୍ତି। ଅନ୍ୟପଟେ ଚଲିତ ମାସ ୧୨ ତାରିଖରେ ମୁମ୍ୱାଇ ପୋଲିସ ମୁଖିଜାଙ୍କ ବୟାନ ମଧ୍ୟ ରେକର୍ଡ କରିଛି। ତେବେ ଜାତୀୟ ମହିଳା କମିଶନ ପକ୍ଷରୁ ମଧ୍ୟ ସମନ ଜାରି କରାଯାଇଥିଲା। ତେବେ ସମନର ପ୍ରତିଉତ୍ତରରେ ସମୟ ଏବଂ ମୁଖିଜା ଜାତୀୟ ମହିଳା କମିଶନହ୍କ ନିକଟରେ ହାଜିର ହୋଇ ନିଜ ବୟାନ ଦେଇଥିବା ବେଳେ ଆହ୍ଲାବାଦିଆ ଏହି ସମନର କୌଣସି ପ୍ରତିତ୍ତୋର ଦେଇନାହାନ୍ତି।
