କେନ୍ଦ୍ରାପଡା,୨୯।୬ : ଜମିବାଡି ବିବାଦକୁ ନେଇ ୨ ପରିବାର ମଧ୍ୟରେ ସଂଘର୍ଷ ହୋଇ ଜଣେ ବୃଦ୍ଧାଙ୍କ ମୃତ୍ୟୁ ହୋଇଛି। କେନ୍ଦ୍ରାପଡା ସଦର ଥାନା ଅନ୍ତର୍ଗତ ସାହାସ ପୁର ଗାଁରେ ଘଟିଛି ଅଘଟଣ l ମୃତକ ଜଣକ ହେଲେ ହେମଲତା ସେଠୀ।
ପୂର୍ବରୁ ଲାଗି ରହିଥିବା ଜମିବାଡି ବିବାଦକୁ ନେଇ ଏହି ଗାଁ ର ଦୁଇ ପରିବାର ମଧ୍ୟରେ ଆଜି ସନ୍ଧ୍ୟାରେ ମାରପିଟ ହୋଇଥିଲା l ବିବାଦ ବଢିବା ପରେ ଉଭୟ ପରିବାର ପରସ୍ପର ଉପରକୁ ଟେକାପଥର ଫଙ୍ଗି ଥିଲେ l ହେମଲତାଙ୍କ ମୁଣ୍ଡରେ ଟେକା ବାଜିଥିଲା। ପରିବାର ଲୋକେ ହେମଲତାଙ୍କୁ ଗୁରୁତର ଅବସ୍ଥାରେ ମେଡିକାଲ ନେବା ପରେ ସେଠାରେ ଡ଼ାକ୍ତର ତାଙ୍କୁ ମୃତ ଘୋଷଣା କରିଥିଲେ l