ନୂଆଦିଲ୍ଲୀ – ଏନଡିଏର ଆଗାମୀ ସରକାରରେ ମହତ୍ତ୍ୱପୂର୍ଣ୍ଣ ଭୂମିକା ବହନ କରିବାକୁ ଯାଉଥିବା ତେଲୁଗୁ ଦେଶମ ପାର୍ଟି(ଟିଡିପି) ପ୍ରମୁଖ ଏନ. ଚନ୍ଦ୍ରବାବୁ ନାଇଡୁଙ୍କ ପୁଅ ମୁସଲିମ୍ ସଂରକ୍ଷଣକୁ ନେଇ ବଡ଼ ବୟାନ ଦେଇଛନ୍ତି। ଟିଡିପି ନେତା ଓ ଚନ୍ଦ୍ରବାବୁ ନାଇଡୁଙ୍କ ପୁଅ ନାରା ଲୋକେସ ଆଜି କହିଛନ୍ତି , ମୁସଲିମ୍ ସଂରକ୍ଷଣ ଜାରି ରହିବ ଏବଂ ଏହା କୌଣସି ତୁଷ୍ଟୀକରଣର ରାଜନୀତି ପାଇଁ ନୁହେଁ। ଏହା ବ୍ୟତୀତ, ସେ କହିଛନ୍ତି ଯେ, ପାର୍ଟିର ଧ୍ୟାନ ଆନ୍ଧ୍ର ପ୍ରଦେଶର ରୋଜଗାର ସୃଷ୍ଟି ଓ ଅବହେଳିତଙ୍କ ଉତ୍ଥାନ ଉପରେ ରହିବ। ପାର୍ଟି ଆନ୍ଧ୍ର ପ୍ରଦେଶରେ ୧୬ଟି ଲୋକସଭା ଆସନ ଜିତିଛି ଏବଂ ରାଷ୍ଟ୍ରୀୟ ଗଣତାନ୍ତ୍ରିକ ଗଠବନ୍ଧନ (ଏନଡିଏ)କୁ ନିର୍ବାଚନ ଜିତିବାରେ ମହତ୍ତ୍ୱପୂର୍ଣ୍ଣ ଭୂମିକା ନିଆଇଛି।
ଏନଡିଟିଭି ସହ କଥାବାର୍ତ୍ତାରେ ନାରା ଲୋକେଶ କହିଛନ୍ତି-ସେ ରାଜ୍ୟରେ ମୁସଲମାନଙ୍କୁ ଦିଆଯାଉ ଥିବା ସଂରକ୍ଷଣ (ରିଜର୍ଭେସନ)କୁ ଜାର ରଖିବେ। ଏହା ଏମିତି ଏକ ନୀତି ଯାହାର ,ତାଙ୍କର ମେଣ୍ଟ ସହଯୋଗୀ ବିଜେପି ନିର୍ବାଚନ ବେଳେ ଖୋଲାଖୋଲି କଡ଼ା ବିରୋଧ କରିଥିଲା। ଲୋକେଶ କହିଛନ୍ତି , ଏହା (ମୁସଲମାନଙ୍କ ପାଇଁ ସଂରକ୍ଷଣ) ଗତ ୨ ଦଶକରୁ ଚାଲି ଆସିଛି ଏବଂ ଆମେ ଏହା ସପକ୍ଷରେ ଠିଆ ହୋଇଛୁ । ଆମେ ଏହାକୁ ଜାରି ରଖିବାକ ଉଚ୍ଛା ରଖିଛୁ।
୪୧ ବର୍ଷିୟ ଏହି ଟିଡିପି ନେତା କହିଛନ୍ତି, ସଂରକ୍ଷଣ ତୁଷ୍ଟୀକରଣ ପାଇଁ ନୁହେଁ , ବରଂ ସାମାଜିକ ନ୍ୟାୟ ପାଇଁ , କାରଣ ରାଜ୍ୟରେ ସଂଖ୍ୟାଲଘୁଙ୍କର ପ୍ରତିବ୍ୟକ୍ତିଙ୍କ ଆୟ ସବୁଠୁ କମ୍ । ସେ କହିଛନ୍ତି , ଏହା ସତ ଯେ , ସଂଖ୍ୟାଲଘୁଙ୍କୁ ଲଗାତାର କଷ୍ଟ ସହ୍ୟ କରିବାକୁ ପଡ଼ୁଛି ଏବଂ ତାଙ୍କ ପ୍ରତି ବ୍ୟକ୍ତି ଆୟ ସବୁଠୁ କମ୍ । ସରକାରୀ ଭାବେ , ତାଙ୍କୁ ଗରିବୀରୁ ବାହାରକୁ ଆଣିବା ମୋର ଦାୟିତ୍ୱ। ଏଥିପାଇଁ ମୁଁ ଯାହା ବି ନିର୍ଣ୍ଣୟ ନେଉଛି , ତାହା ତୁଷ୍ଟୀକରଣର କରିବା ପାଇଁ ନୁହେଁ ,ବରଂ ସେମାନଙ୍କୁ ଗରିବୀରୁ ବାହାରକୁ ଆଣିବା ପାଇଁ ହୋଇଛି ।
