ଭୁବନେଶ୍ବର,୪।୭ : ଭିଜିଲାନ୍ସ ଜାଲରେ ଚନ୍ଦନପୁର ଏଆରଆଇ। ପୁରୀ ସଦର ଅନ୍ତର୍ଗତ ଚନ୍ଦନପୁର ଆରଆଇ ଅଫିସରେ କାର୍ଯ୍ୟରତ ଏଆରଆଇ ପବିତ୍ର କୁମାର କାଣ୍ଡି ଲାଞ୍ଚ ନେବା ଅଭିଯୋଗରେ ଭିଜିଲାନ୍ସ ଗିରଫ କରିଛି। ଗିରଫ ବେଳେ ତାଙ୍କ ଠାରୁ ନଗଦ ୫୧ହଜାର ଟଙ୍କା ଜବତ କରାଯାଇଛି।
ଚାଷ ଜମିର କିସମ ପରିବର୍ତ୍ତନ କରାଇଦେବା ପାଇଁ ଚନ୍ଦନପୁର ଅଞ୍ଚଳର ବଦ୍ରି ନାରାୟଣ ହାତିଙ୍କ ଠାରୁ ୫୧ହଜାର ଟଙ୍କା ଲାଞ୍ଚ ନେଉଥିଲେ ପବିତ୍ର। ଏହି ସମୟରେ ଭିଜିଲାନ୍ସ ଟିମ ଚଢାଉ କରି ପବିତ୍ରଙ୍କୁ ଠାରୁ ୫୧ ହଜାର ଟଙ୍କା ଜବତ କରିଥିଲା। ଏଥିସହ ୩ଟି ସ୍ଥାନରେ ଭିଜିଲାନ୍ସ ଟିମ ଚଢାଉ କରିଛି। ଏଆରଆଇଙ୍କୁ ଗିରଫ କରି ଭିଜିଲାନ୍ସ ଟିମ ଅଧିକ ପଚରାଉଚରା କରୁଛି।
