ଭୁବନେଶ୍ୱର,୦୭/୦୭: ଆଜି ଇସ୍କନ୍ ରଥଯାତ୍ରା ପାଇଁ କମିଶନରେଟ୍ ପୁଲିସ ପକ୍ଷରୁ ଟ୍ରାଫିକ୍ କଟକଣା ଜାରି କରାଯାଇଛି । ଇସ୍କନ୍ ମନ୍ଦିର ଯିବା ରାସ୍ତା ଓ ଏହାର ଚତୁଃପାଶ୍ୱର୍ରେ ବହୁ ମାତ୍ରାରେ ଶ୍ରଦ୍ଧାଳୁମାନଙ୍କ ସମାଗମ ହେବ । ଏହି ଭିଡ଼କୁ ଦୃଷ୍ଟିରେ ରଖି କମିଶନରେଟ୍ ପୁଲିସ ପକ୍ଷରୁ ରବିବାର ପାଇଁ ଟ୍ରାଫିକ୍ କଟକଣା ଜାରି କରାଯାଇଛି ।
ରବିବାର ଦିନ ଗୋଟାଏ ଠାରୁ ରଥ ସିଆର୍ପି ଛକ ଅତିକ୍ରମ କରିବା ପର୍ଯ୍ୟନ୍ତ ବରମୁଣ୍ଡା ପଟୁ ଫାୟାରଷ୍ଟେସନ ଆଡ଼କୁ ସର୍ଭିସ ରୋଡରେ କୌଣସି ପ୍ରକାର ଭାରୀଯାନ ଯାତାୟାତ କରିପାରିବେ ନାହିଁ । ସେହି ସମୟରେ କୌଣସି ପ୍ରକାର ଯାନବାହନ ସିଆରପି ଛକ ଠାରୁ ଇସ୍କନ ମନ୍ଦିର ମଧ୍ୟରେ ଥିବା ସର୍ଭିସ ରୋଡରେ ଯାତାୟାତ କରିପାରବେ ନାହିଁ । ରଥ ସିଆରପି ଛକ ଅତିକ୍ରମ କରିବା ପର୍ଯ୍ୟନ୍ତ କୌଣସି ପ୍ରକାର ଯାନବାହାନ କସ୍ତୁରବା ସ୍କୁଲ ପାଶ୍ୱର୍ ଏବଂ ନୂଆପଲ୍ଲୀ ଅଣ୍ଡରପାସ୍ ଠାରୁ ସିଆରପି ଛକ ପର୍ଯ୍ୟନ୍ତ ସର୍ଭିସ ରୋଡରେ ଯାତାୟାତ କରିପାରିବେ ନାହିଁ ।
ସେହିପର ରଥ ସିଆରପି ଛକରୁ ମାଉସୀ ମା’ ମନ୍ଦିର ଭାୟା ଡିଏଭି ପବ୍ଲିକ ସ୍କୁଲ, ୟୁନିଟ୍-୮ ଯିବା ସମୟରେ କୌଣସି ପ୍ରକାର ଯାନବାହାନ ଡିଏଭି ଛକରୁ ସିଆରପି ଏବଂ ସିଆରପି ଛକରୁ ଡିଏଭି ଛକ ମଧ୍ୟରେ ଯାତାୟାତ କରିପାରିବେ ନାହିଁ । କେବଳ ଜରୁରୀକାଳୀନ ସେବାରେ ନିୟୋଜିତ ଫାୟାର ଓ ଆମ୍ବୁଲାନ୍ସ ଗୁଡ଼ିକ ପାଇଁ ଉପରୋକ୍ତ କଟକଣା ଲାଗୁ ହେବନାହଁ।
