ଭୁବନେଶ୍ୱର,୦୫/୧୦: ପାର୍ବଣ ପୁର୍ବରୁ କମିସନରେଟ ପୋଲିସକୁ ଖୋଲା ଚ୍ୟାଲେଞ୍ଜ । ଅପରାଧୀଙ୍କ ଷ୍ଟାଇଲରେ ରସୁଲଗଡ ଓଭର ବ୍ରିଜ ଉପରେ ପାୱାର ଶୋ' କରିଲେ କିଛି ଯୁବକ । ଦୀର୍ଘ ୧ ଘଣ୍ଟା ଧରି ରାସ୍ତା ଅବରୋଧ କରିବା ସହ ବେପରୁଆ ଗାଡି ଚାଳନା କରିଥିଲେ । ୩୦ରୁ ଅଧିକ ଯୁବକ କେବିଏନ ଗ୍ରୁପ ସହ ନିଜକୁ ତୁଳନା କରି ସୋସିଆଲ ମିଡ଼ିଆରେ ଭିଡିଓ ଉପଲୋଡ କରିଛନ୍ତି ।

ସୂଚନା ମୁତାବକ, ରାଜଧାନୀରେ ବଢୁଛି ଗୁଣ୍ଡାରାଜ୍‌ । ପୁଣି ଥରେ ବେପରୁଆ ଗାଡ଼ି ଚାଳନା କଲେ ଅମାନିଆ । ଅପରାଧୀଙ୍କ ଷ୍ଟାଇଲରେ ରସୁଲଗଡ ଓଭର ବ୍ରିଜରେ ଉପରେ ପାୱାର ଶୋ' କରି ଆତଙ୍କ ଖେଳାଇଥିଲେ କିଛି ଯୁବକ । ଦୀର୍ଘ ୧ ଘଣ୍ଟା ଧରି ରାସ୍ତା ଅବରୋଧ କରିବା ସହ ବେପରୁଆ ଗାଡି ଚାଳନା କରି ରାସ୍ତା ମଝିରେ ଯୁବକ ମାନେ ଲୋକଙ୍କ ମନରେ ଭୟ ସୃଷ୍ଟି କରିଥିବା ବେଳେ ଘଟଣା ସ୍ଥଳରେ ପହଞ୍ଚି ପାରିନଥିଲା ମଞ୍ଚେଶ୍ୱର୍ ଥାନା ପୋଲିସ । ଓଭର ବ୍ରିଜ ଉପରେ ରାସ୍ତା ଅବରୋଧ କରି ସିଗାରେଟ ଲଗେଇ ଗୁଣ୍ଡାଗର୍ଦୀ ଢ଼ଙ୍ଗିରେ ଭିଡ଼ିଓ କରି ସୋସିଆଲ ମିଡ଼ିଆରେ ଉପଲୋଡ କରିଲେ ରାଜଧାନୀର ଏକ ଯୁବ ଗୋଷ୍ଠୀ । ୩୦ ରୁ ଅଧିକ ଯୁବକ ପୂର୍ବରୁ କେବିଏନ ଗ୍ରୁପ ସହ ନିଜକୁ ତୁଳନା କରି ସୋସିଆଲ ମିଡ଼ିଆରେ ଭିଡିଓ ଉପଲୋଡ କରିଥିଲେ । 

କେବଳ ସେତିକି ନୁହେଁ ଘଣ୍ଟାଏରୁ ଅଧିକ ସମୟ ଧରି ଜାତିୟ ରାଜପଥକୁ ଅବରୋଧ କରିବା ସହ ଆତଙ୍କ ମଚାଇ ସଭିଙ୍କ ମନରେ ଭୟ ସୃଷ୍ଟି କରିଥିଲେ ଏହି ଯୁବ ଗୋଷ୍ଠୀ । ବେପରୁଆ ଗାଡି ଚାଳନା ସହ ଆତଙ୍କ ରାଜର ଭିଡିଓ ବର୍ତ୍ତମାନ ସୋସିଆଲ ମିଡ଼ିଆରେ ଭାଇରାଲ ହେଉଛି । ତେବେ ପାର୍ବଣ ପୂର୍ବରୁ ରାସ୍ତା ଅବରୋଧ କରି ବେପରୁଆ ଗାଡ଼ି ଚାଳନା କରି ସୋସିଆଲ ମିଡ଼ିଆରେ ପ୍ରଚାର ପ୍ରସାର କରିବା ପାଇଁ କିଏ ଓ କେଉଁଠୁ ଏହି ଗୋଷ୍ଠୀଙ୍କୁ ସାହସ ଯୋଗାଇଲା ତାକୁ ନେଇ ପ୍ରଶ୍ନ ଉଠିଛି ।