ଭୁବନେଶ୍ବର,୬।୭ : ପାହାଳ ଥାନା ଅଧୀନରେ ଏକ ଫ୍ରିଜ ଗୋଦାମ ରେ ଅଗ୍ନିକାଣ୍ଡ । ଗୋଦାମରେ ଥିବା ଇଲେକ୍ଟ୍ରୋନିକ୍ସ ସାମଗ୍ରୀ ପୋଡି ପାଉଁଶ । ମୂଲ୍ୟବାନ ଜିନିଷପତ୍ର ନିଆଁରେ ଜଳିଯାଇଛି। ନିଆଁକୁ ଆୟତ୍ତ କରିବାକୁ ୩ ଟି ଦମକଳ ବାହିନୀ ନିୟୋଜିତ ହୋଇଛନ୍ତି।

ପାହାଳ ନିକଟରେ ଥିବା  ଏସି, ଫ୍ରିଜ ପାର୍ଟସ ଗୋଦାମରେ ନିଆଁ ଲାଗିଛି। ଖବର ପାଇ ନିଆଁ ଲିଭାଇବାକୁ ଦମକଳ ବାହିନୀ ପହଞ୍ଚିଥିଲା। ତେବେ ନିଆଁର ପ୍ରଖର ଜୋରରେ ଥିବାରୁ  ଆୟତ୍ତ କରିବାକୁ ୩ ଟି ଦମକଳ ବାହିନୀ ନିୟୋଜିତ ହୋଇଛନ୍ତି। ଅନ୍ଧାର ଭିତରେ ନିଆଁକୁ ଆୟତ୍ତ କରିବାରେ ବାଧା ସୃଷ୍ଟି ହୋଇଛି।  ଅନ୍ୟପକ୍ଷରେ ଗୋଦାମରୁ ପ୍ରବଳ ଧୁଆଁ ବାହାରୁଥିବା ରୁ ନିଆଁ ଲିଭା କାର୍ଯ୍ୟରେ ବାଧା ସୃଷ୍ଟି ହୋଇଛି। କିଭଳି ଗୋଦାମରେ ନିଆଁ ଲାଗିଲା  କାରଣ  ଜଣାପଡି ନାହିଁ।