କୋଣାର୍କ,୦୫/୧୦: ଲୁଟେରାଙ୍କ ଟାର୍ଗେଟରେ ଏବେ ମନ୍ଦିର । ଶେଷରେ ମନ୍ଦିର କବାଟ ଭାଙ୍ଗି ମନ୍ଦିର ଭିତରୁ ସିଦ୍ଧ ମହାବୀରଙ୍କ ଅଳଙ୍କାର ଚୋରି କଲେ ଲୁଟେରା । ପୁରୀ ଜିଲ୍ଲା ନୟାହାଟ ଫାଣ୍ଡି ଅନ୍ତର୍ଗତ ଜଙ୍ଗଲବୋରି ପଞ୍ଚାୟତ ମଧୁବନ ଗ୍ରାମରେ ଥିବା ସିଦ୍ଧ ମହାବୀର ମନ୍ଦିରରୁ ବିଳମ୍ବିତ ରାତ୍ରରେ ଲୁଟେରା ମନ୍ଦିର ଫାଟକ ଭାଙ୍ଗି ହନୁମାନଙ୍କ ୩ଟି ରୂପା ମୁକୁଟ, ୩ଟି ହାର, ଏକ ଗଦା, ଠାକୁରଙ୍କ ଏକ ଛତା, ଠାକୁରଙ୍କ ୨ଟି ପାଦ,୨ଟି ରୂପାଆଖି, ଘଣ୍ଟ, ଝାଞ୍ଜ ଶହ ମନ୍ଦିର ଭିତରେ ଥିବା ୨୦ହଜାର ଟଙ୍କା ଦୁର୍ବୁତ୍ତ ଚୋରି କରିନେଇଛନ୍ତି ।

ସୂଚନା ମୁତାବକ, ଶୁକ୍ରବାର ବିଳମ୍ବିତ ରାତ୍ରରେ ଲୁଟେରାସିଦ୍ଧ ମହାବୀର ମନ୍ଦିର ଫାଟକ ଭାଙ୍ଗି ହନୁମାନଙ୍କ ୩ଟି ରୂପା ମୁକୁଟ, ୩ଟି ହାର, ଏକ ଗଦା, ଠାକୁରଙ୍କ ଏକ ଛତା, ଠାକୁରଙ୍କ ୨ଟି ପାଦ, ୨ଟି ରୂପାଆଖି, ଘଣ୍ଟ, ଝାଞ୍ଜ ଶହ ମନ୍ଦିର ଭିତରେ ଥିବା ୨୦ହଜାର ଟଙ୍କା ଦୁର୍ବୁତ୍ତ ଚୋରି କରି ନେଇଛନ୍ତି । ପରେ ଶନିବାର ସକାଳେ ପୂଜକ ମନ୍ଦିର ପୂଜା କରିବାକୁ ଆସିଥିବା ବେଳେ ଏଭଳି ଚୋରି ହୋଇଥିବା ଦେଖି ସ୍ଥାନୀୟ ଲୋକଙ୍କୁ ଜଣାଇଥିଲେ। ଲୋକେ ପୋଲିସକୁ ଖବର ଦେଇଥିଲେ । ଖବର ପାଇ ଘଟଣାସ୍ଥଳରେ ନୟାହାଟ ପୋଲିସ ପହଞ୍ଚି ତଦନ୍ତ କରୁଛି । ଘଟଣାସ୍ଥଳରେ ଏକ ସାଇଁଣ୍ଟିଫିକ୍‌ ଟିମ୍‌ ଉପସ୍ଥିତ ରହି ଛାନଭିନ୍ କରୁଛି ।