ଖନ୍ତାପଡ଼ା,୦୬/୦୩: ସାରା ରାଜ୍ୟରେ ଅତୀତରେ ଦୀର୍ଘ ୨୪ ବର୍ଷ ଧରି ଶାସନରତ ବିଜେଡି ସରକାରଙ୍କ ସୁପ୍ରିମ ନବୀନ ପଟ୍ଟନାୟକଙ୍କ ପିତା ବିଜୁ ବାବୁଙ୍କ ଜନ୍ମ ଜୟନ୍ତୀ ମାର୍ଚ୍ଚ ୫ ତାରିଖକୁ ପଞ୍ଚାୟତ ରାଜ ଦିବସ ଏବଂ ବିଜୁ ଜୟନ୍ତୀ ପାଳନ କରାଯାଉଥିଲା । ହେଲେ ଚଳିତ ବର୍ଷ ନିର୍ବାଚନରେ ସଂଖ୍ୟା ଗରିଷ୍ଠତା ହାସଲ କରିଥିବା ବିଜେପି ସରକାର ଏହି ଦିବସଟିକୁ ଅବମାନନା କରିଥିଲା । ଏହି ଦିନର ସରକାରୀ ଛୁଟି ଘୋଷଣା ବାତିଲ କରିଥିଲା ବିଜେପି ସରକରା । ଏହାର ପ୍ରତିବାଦରେ ଗୁରୁବାର ସୋର ବିଜେଡି ପରିବାର ତରଫରୁ ବାହାନଗା ବ୍ଲକ ସମ୍ମୁଖରେ ଧାରଣା ଦିଆଯାଇଥିଲା । ଏହା ସହ ବିଜେପି ବିରୋଧରେ ନାରାବାଜି ମଧ୍ୟ କରାଯାଇଥିଲା ।
ବାହାନଗା ବ୍ଲକ ବିଡିଓ ବିକ୍ରମ କେଶରୀ ପରିଡା ଆସି ଧର୍ମଘଟରେ ସାମିଲ ଥିବା ବିଜେଡି କର୍ମୀଙ୍କୁ ଉଠିବା ପାଇଁ ନିବେଦନ କରିଥିଲେ । ଯାହା ଫଳରେ ଘଟଣା ସ୍ଥଳରେ ଚାପା ଉତେଜନା ବୃଦ୍ଧି ପାଇଥିଲା । ପରେ ସୋର ଆଇଆଇସି ସୁଦୀପ୍ତ କୁମାର ସାହୁ କର୍ମୀ ମାନଙ୍କୁ ବୁଝାସୁଝା କରିବା ପରେ ପରିସ୍ଥିତି ଆୟତ୍ତ ହୋଇଥିଲା । ସୋର ବିଧାୟକ ମାଧବ ଧଡ଼ାଙ୍କ ସହିତ ଜିଲ୍ଲା ପରିଷଦ ସଦସ୍ୟଙ୍କ ସହିତ ବହୁ ମାନଗଣ୍ୟ ବ୍ୟକ୍ତି ଯୋଗଦେଇ ଏହି ଧର୍ମଘଟରେ ଯୋଗଦେଇ ଥିଲେ ।
