ଥିରୁଅନନ୍ତପୁରମ,୦୪/୦୨: ସୋସିଆଲ ମିଡିଆରେ ଗୋଟିଏ ଛୋଟା ଛୁଆର ଭିଡିଓ ଭାଇରାଲ ହେବା ପରେ ଏହା ସମ୍ପୂର୍ଣ୍ଣ ରାଜ୍ୟରେ ଏକ ବଡ଼ ପ୍ରଭାବ ପଡ଼ିଛି। ଘଟଣାଟି କିଛି ଏପରି, ସୋସିଆଲ ମିଡିଆରେ ଭାଇରାଲ ହେଉଥିବା ଭିଡିଓଟିରେ ପିଲାଟି ଅଙ୍ଗନଓ୍ବାର୍ଡିରେ ଉପମା ବଦଳରେ ବିରିୟାନି ଏବଂ ଚିକେନ ଫ୍ରାଏ ଖାଇବାକୁ ଦାବି କରୁଛି। ତେବେ ଏହି ଭିଡିଓଟି ଭାଇରାଲ ହେବା ପରେ ଏନେଇ ସାରା ରାଜ୍ୟର ଅଙ୍ଗନଓ୍ବାର୍ଡିରେ ପରସା ଯାଉ‌ଥିବା ଖାଦ୍ୟ ତାଲିକାରେ କିଛି ପରିବର୍ତ୍ତନ ଆଣିବାକୁ ନିଷ୍ପତ୍ତି ନେଇଛନ୍ତି।

ଭିଡିଓରେ, ଥ୍ରାଜୁଲ୍ ଏସ୍ ଶଙ୍କର ନାମକ ଜଣେ ନାବାଳକ ତାଙ୍କ ମାଆଙ୍କୁ କହୁଥିବାର ଦେଖାଯାଇଛି ଯେ, "ମୁଁ ଉପମା ବଦଳରେ ଅଙ୍ଗନୱାଡିରେ ବିରିୟାନି ଏବଂ ଚିକେନ୍ ଫ୍ରାଏ ଚାହୁଁଛି"। ଘରେ ବିରିୟାନି ଖୁଆଉଥିବା ସମୟରେ ତାଙ୍କ ମାଆ ଏହି ଭିଡିଓଟି ରେକର୍ଡ କରିଥିଲେ। ପରେ ମାଆ ଇନଷ୍ଟାଗ୍ରାମରେ ଭିଡିଓଟି ପୋଷ୍ଟ କରିଥିଲେ ଏବଂ ଏହାକୁ ବହୁଳ ଭାବରେ ସେୟାର କରାଯାଇଛି।

ଏହା ରାଜ୍ୟ ସ୍ୱାସ୍ଥ୍ୟ, ମହିଳା ଏବଂ ଶିଶୁ କଲ୍ୟାଣ ମନ୍ତ୍ରୀ ବୀଣା ଜର୍ଜଙ୍କ ଦୃଷ୍ଟି ଆକର୍ଷଣ କରିଥିଲା, ଯିଏ କହିଥିଲେ ଯେ ପିଲାଟିର ପରାମର୍ଶକୁ ବିଚାରକୁ ନେଇ ସରକାର ଅଙ୍ଗନୱାଡିର ମେନୁ ସଂଶୋଧନ କରିବାକୁ ବିଚାର କରିବେ, କାରଣ ଥ୍ରାଜୁଲ ସ୍ନେହରେ ଏହି ସବୁ ଦାବି କରିଛି। "ଏହି ସରକାରଙ୍କ ଅଧୀନରେ, ଅଙ୍ଗନୱାଡି ମାଧ୍ୟମରେ ଅଣ୍ଡା ଏବଂ କ୍ଷୀର ଯୋଗାଇବା ପାଇଁ ଏକ ଯୋଜନା ସଫଳତାର ସହ କାର୍ଯ୍ୟକାରୀ ହୋଇଛି। ମହିଳା ଏବଂ ଶିଶୁ ବିକାଶ ବିଭାଗ ସହିତ ସମନ୍ୱୟ ରଖି, ସ୍ଥାନୀୟ ସଂସ୍ଥାଗୁଡ଼ିକ ଅଙ୍ଗନୱାଡିରେ ବିଭିନ୍ନ ପ୍ରକାରର ଖାଦ୍ୟ ଯୋଗାଇଥାନ୍ତି ବୋଲି ଜର୍ଜ କହିଥିଲେ।

ନିକଟରେ କେରଳ ସରକାର ଏହାର ଅଙ୍ଗନଓ୍ବାର୍ଡି କେନ୍ଦ୍ର ଗୁଡ଼ିକୁ ସ୍ମାର୍ଟ ଅଙ୍ଗନଓ୍ବାର୍ଡି କରିବାକୁ ବିଚାର କରୁଛନ୍ତି। ଯେଉଁଥିରେ ଶ୍ରେଣୀ କକ୍ଷ, ବିଶ୍ରମ କକ୍ଷ, ରୋଷେଇ କକ୍ଷ, ଷ୍ଟୋର ଗୃହ, ହଲ୍, ବଗିଚା ତଥା ବାହାର ଓ ଭିତର ଆଦି କାମ ରହିିଛି। ରାଜ୍ୟ ଅଙ୍ଗନୱାଡି ଶିକ୍ଷକଙ୍କ ଦରମା ମଧ୍ୟ ସଂଶୋଧନ କରିଥିଲା, ଯାହାଙ୍କ ମଧ୍ୟରୁ ୯୫ ପ୍ରତିଶତ ମହିଳା ଅଟନ୍ତି।

You Can also read: କେବେ ଠାରୁ ଲାଗୁ ହେବ ନୂଆ ଟାକ୍ସ ସ୍ଳାବ୍‌; ଚଳିତ ବର୍ଷ ଠାରୁ ମିଳିବ କି ୧୨ ଲକ୍ଷ ଆୟରେ 'ନୋ ଟାକ୍ସ' ସୁବିଧା