ବାଂଶପାଳ, ୪/୪ : କେନ୍ଦୁଝର ଜିଲ୍ଲା ବାଂଶପାଳ ବ୍ଲକ ନୟାକୋଟ ଥାନା କମଙ୍ଗା ନିକଟରେ ଏକ ମର୍ମନ୍ତୁଦ ସଡ଼କ ଦୁର୍ଘଟଣା । ଏଥିରେ ୨ ଜଣଙ୍କ ମୃତ୍ୟୁ ଘଟିଥିବାବେଳେ ଜଣେ ଗୁରୁତର ହୋଇ ମେଡ଼ିକାଲରେ ଭର୍ତ୍ତି ହୋଇଥିବା ଜଣାପଡିଛି । ମୃତକ ଜଳଡିହା ଗାଁର ସଞ୍ଜୟ ସେଠୀ ଓ ବିରଞ୍ଚି ଗିରି, ଗୁରୁତର ଅଜୟ ସେଠୀ । ସମସ୍ତେ ଗୋଟିଏ ଗାଁର ବୋଲି ଜଣାପଡ଼ିଛି।
ସୂଚନା ଅନୁସାରେ ଆଜି ସନ୍ଧ୍ୟା ୮ ରୁ ୯ ଟା ଭିତରେ କୌଣସି କାମରେ ଫୁଲଝର ଆଡୁ ନିଜ ଗାଁ ଜଳଡିହାକୁ ଗୋଟିଏ ବାଇକରେ ଏହି ୩ଜଣ ଯୁବକ ଫେରୁଥିଲେ । ଏହି ସମୟରେ କମଗାଁ ନିକଟରେ ଏକ ପୋଲ ଉପରୁ ଭାରସ୍ୟାମ ହରାଇ ୨୦ଫୁଟ ତଳକୁ ଖସି ପଡ଼ିଥିଲେ। ଫଳରେ ଘଟଣାସ୍ଥଳରେ ସଞ୍ଜୟ ଓ ବିରଞ୍ଚିଙ୍କ ମୃତ୍ୟୁ ଘଟିଥିବାବେଳେ ଅଜୟ ଗୁରୁତର ହୋଇ ପଡ଼ିଥିଲେ। ଘଟଣାସ୍ଥଳରେ ନୟାକୋଟ ପୋଲିସ ପହଞ୍ଚି ମୃତକଙ୍କୁ ଉଦ୍ଧାର କରିବା ସହ ଗୁରୁତର ଅଜୟକୁ ଆମ୍ବୁଲାନ୍ସ ଯୋଗେ ମେଡିକାଲରେ ଭର୍ତ୍ତି କରିଛି । ସମସ୍ତ ଯୁବକ ଜଳଡିହା ଗ୍ରାମର ହୋଇଥିବାବେଳେ ଗାଁରେ ଶୋକାକୁଳ ପରିବେଶ ଲାଗି ରହିଛି।