ଭୁବନେଶ୍ବର,୧୫/୪ : ବିଜୁ ବାବୁଙ୍କ ପ୍ରତିମୂର୍ତ୍ତି ଜଳିବା ଘଟଣାରେ ବିଜେଡିର ଜୋରଦାର ପ୍ରତିବାଦ । ଭୁବନେଶ୍ୱର ବିମାନବନ୍ଦର ବିଜୁପଟ୍ଟନାୟକଙ୍କ ପ୍ରତିମୂର୍ତ୍ତି ତଳେ ବିକ୍ଷୋଭ ଓ ଧାରଣା ଦେଇଛନ୍ତି ବିଜେଡି ନେତା,କର୍ମୀ । ବିଜେପି ସରକାରଙ୍କ ଉପରେ ବର୍ଷିଛନ୍ତି ବିଜେଡି ।
ପ୍ରବାଦ ପୁରୁଷ ବିଜପଟ୍ଟନାୟକଙ୍କ ପ୍ରତିମୂର୍ତ୍ତି ଜଳିବା ନେଇ ମୋହନ ସରକାର ସୁରକ୍ଷା ଦେଇ ପାରୁନାହାନ୍ତି । ଏଭଳି ଭାବେ ଗର୍ଜିଥିଲେ ବିଜେଡି ନେତା ପ୍ରତାପ ଜେନା, ପ୍ରଣବ ବଳବନ୍ତରାୟ, ସମ୍ବିତ ରାଉତରାୟ, ଭୃଗୁ ବକ୍ସିପତ୍ର, ଉତ୍ତର ବିଧାୟକ ସୁଶାନ୍ତ ରାଉତ, ବିଜେଡି ନେତା ଅଶୋକ ଚନ୍ଦ୍ର ପଣ୍ଡା, ପ୍ରମିଳା ମଲ୍ଲିକ ପ୍ରମୁଖ ନେତାନେତ୍ରୀମାନେ ବିରୋଧ କରିଥିଲେ । ଏହାସହିତ ବହୁ ଯୁବ ଛାତ୍ର ବିଜେଡ଼ି ନେତା କର୍ମୀ, ସଦସ୍ୟ ଘୋର ବିରୋଧ କରି ନାରାବାଜି କରିଥିଲେ । ସେହିଭଳି ଏହି ଅବସରରେ ମେୟର ସୁଲୋଚନା ଦାସ, ମଧ୍ୟ ବିଧାୟକ ଅନନ୍ତ ନାରାୟଣ ଜେନା ମଧ୍ୟ ସାମିଲ ହୋଇଛନ୍ତି ।
