ଭୁବନେଶ୍ଵର, ୧୫/୦୪ : ଭୁବନେଶ୍ଵରରେ ବ୍ୟାପିଲା ଝାଡ଼ାବାନ୍ତି। ଭୁବନେଶ୍ୱର ୧୩ ନମ୍ବର ୱାର୍ଡ ନୀଳମାଧବ ନିବାସରେ ଅନେକ ଲୋକ ଝାଡାବାନ୍ତିରେ ଆକ୍ରାନ୍ତ ହୋଇଛନ୍ତି। କିଛି ଲୋକ ନୀଳାଦ୍ରି ବିହାର ସରକାରୀ ସ୍ୱାସ୍ଥ୍ୟକେନ୍ଦ୍ର ଏବଂ ଆଉ କିଛି କ୍ୟାପିଟାଲ ହସ୍ପିଟାଲରେ ଭର୍ତ୍ତି ହୋଇଛନ୍ତି। ପାଣି ସମ୍ପରୁ ଦୂଷିତ ପାଣି ପିଇ ଝାଡାବାନ୍ତିରେ ଆକ୍ରାନ୍ତ ହୋଇଥିବା ଜଣାପଡିଛି।
ସ୍ଥାନୀୟ ଲୋକଙ୍କ ଅଭିଯୋଗ ଅନୁଯାୟୀ, ପାଣି ସମ୍ପ ଭିତରେ କାଦୁଅ ରହୁଛି। ସିମେଣ୍ଟ ଅଖା, କାଠ, ବଲ୍ ବାହାରୁଛି। ଏହି ଦୂଷିତ ପାଣି ପିଇ ସ୍ଥାନୀୟ ଲୋକେ ଝାଡ଼ାବାନ୍ତିରେ ଆକ୍ରାନ୍ତ ହୋଇଛନ୍ତି। ପାଖାପାଖି ୧୦୦ରୁ ଅଧିକ ଲୋକ ଆକ୍ରାନ୍ତ ହୋଇଥିବା ଜଣାପଡ଼ିଛି। ଘଟଣା ସ୍ଥଳରେ ସ୍ୱାସ୍ଥ୍ୟ ବିଭାଗର ଟିମ୍ ପହଞ୍ଚି ଚିକିତ୍ସା କରିବା ସହ ଆକ୍ରାନ୍ତଙ୍କୁ ଔଷଧ ଦେଇଛି। ଗୁରୁତରଙ୍କୁମେଡିକାଲ ପଠାଯାଇଛି। ସ୍ୱାସ୍ଥ୍ୟ ବିଭାଗ ଟିମ୍ ଏନେଇ ଅନୁଧ୍ୟାନ କରୁଛନ୍ତି।
