ନୂଆଦିଲ୍ଲୀ, ୭।୪: ସାଧାରଣତଃ ବଡ଼ ବଡ଼ ରୋଗରୁ ମୁକ୍ତି ଦେଇଥାଏ ନାଚୁରାଲ୍ ଥେରାପି । ଏହି ତାଲିକାରେ ମଡ୍ ଥେରାପି ଭଳି ଅନେକ ଥେରାପି ସାମିଲ । ସେହିଭଳି ଏକ ଚିକିତ୍ସା ହେଲା କୋଲ୍ଡ ପଙ୍ଗ୍ ଥେରାପି । ଏହି ଥେରାପିର ଅନ୍ୟ ନାଁ ଆଇସ୍ କୋଲ୍ଡ ବାଥ୍ । ଏହି ଥେରାପିରେ ଜଣେ ଇନଷ୍ଟ୍ରକ୍ଟରଙ୍କ ସହାୟତାରେ ଥଣ୍ଡା ପାଣିରେ ବୁଡ଼ି ରହିବାକୁ ହୋଇଥାଏ । ଏହା କରିବା ଦ୍ୱାରା ଆମ ଶରୀରକୁ ବିଭିନ୍ନ ପ୍ରକାରର ଲାଭ ମିଳିଥାଏ । ଏହି ବାଥ୍ କାରଣରୁ ମସଲ୍ ଖୁବଶୀଘ୍ର ରିକଭରି ହୋଇଥାଏ ।
ଯଦି ଆପଣ ଖୁବ୍ ଅଧିକ ଶାରୀରିକ ପରିଶ୍ରମ କରୁଛନ୍ତି, ତେବେ ଏହା ପରେ ଆଇସ୍ ବାଥ୍ କାରଣରୁ ମସଲ୍ରେ ଥିବା ଯନ୍ତ୍ରଣା ଦୂର ହୋଇଥାଏ । ଏହି ବାଥ୍ କାରଣରୁ ଆମ ଶରୀରରେ ରକ୍ତ ସଞ୍ଚାଳନ ବଢ଼ିଥାଏ । ଥଣ୍ଡା ପାଣି କାରଣରୁ ଏଭଳି ହୋଇଥାଏ, ଯାହା ଫଳରେ ଆମ ହୃଦ୍ପିଣ୍ଡ ସ୍ୱାସ୍ଥ୍ୟ ଭଲ ରହିଥାଏ । ଏହି ଥେରାପି ଆମର ରୋଗପ୍ରତିରୋଧକ ଶକ୍ତି ମଧ୍ୟ ବଢ଼ିଥାଏ । ବିଭିନ୍ନ ପ୍ରକାର ସଂକ୍ରମଣ ବିରୋଧରେ ଲଢ଼ିବାକୁ ଏହି ଥେରାପି ସାହାଯ୍ୟ କରିଥାଏ । କେବଳ ଶାରୀରିକ ନୁହେଁ ମାନସିକ ସ୍ତରରେ ମଧ୍ୟ ଏହା ବେଶ୍ ଉପଯୋଗୀ ହୋଇଥାଏ । ଆମକୁ ମେଣ୍ଟାଲି ଆକ୍ଟିଭ୍ ରଖିବାରେ ଏହି ବିଶେଷ ସହାୟକ ହୋଇଥାଏ । ଷ୍ଟ୍ରେସ୍, ଆଙ୍ଗଜାଇଟି ଆଦିରୁ ଏହା ଆମକୁ ମୁକ୍ତି ଦେଇଥାଏ ।
