ଭୁବନେଶ୍ଵର, ୦୮/୦୪ : ଆୟୁର୍ବେଦରେ ଜଡ଼ିବୁଟି ଏବଂ ଫଳ ଗୁଡ଼ିକର ଔଷଧୀୟ ଗୁଣ ବିଷୟରେ ଉଲ୍ଲେଖ କରାଯାଇଛି। ଔଷଧୀୟ ଗୁଣ ବିଶିଷ୍ଟ ଏକ ଜଙ୍ଗଲଜାତ ଫଳ ହେଉଛି କେନ୍ଦୁ। ଏଥିରେ ଭରପୁର ମାତ୍ରାରେ ପୋଷଣ ରହିଛି। ଏହାର ସ୍ଵାଦ ଯେତିକି ମିଠା ସ୍ଵାସ୍ଥ୍ୟ ପାଇଁ ସେତିକି ହିତକର। କେନ୍ଦୁ ନିୟମିତ ଖାଇଲେ ମଧୁମେହ ଏବଂ ମୋଟାପଣରୁ ମୁକ୍ତି ମିଳେ।
କେନ୍ଦୁ ଫଳରେ ରୋଗ ପ୍ରତିରୋଧକ ଶକ୍ତି ରହିଛି। ଏଥିରେ ପ୍ରଚୁର ମାତ୍ରାରେ ଭିଟାମିନ୍ ସି ରହିଛି। ଯାହାକି ଇମ୍ୟୁନିଟି ବୁଷ୍ଟ୍ କରେ। ରୋଗ ସହ ଲଢିବାକୁ ଶରୀରକୁ ଶକ୍ତି ପ୍ରଦାନ କରେ। ଏଥିରେ ଥିବା ଫାଇବର ପାଚନ କ୍ରିୟାରେ ସହଯୋଗ କରେ। ଏଥିରେ ଥିବା ପୋଟାସିୟମ ଏବଂ ଆଣ୍ଟିଅକ୍ସିଡାଣ୍ଟ ରକ୍ତଚାପକୁ ନିୟନ୍ତ୍ରଣ କରେ। କେନ୍ଦୁରେ କମ୍ ମାତ୍ରାରେ କ୍ୟାଲୋରୀ ରହିଛି ଏବଂ ଫାଇବର୍ ଅଧିକ ମାତ୍ରାରେ ରହିଛି। ଯାହାକି ଓଜନ ହ୍ରାସ କରିବାରେ ସହାୟକ ହୋଇଥାଏ। କେନ୍ଦୁରେ ଥିବା ଜୀବାଣୁ ନାଶକ ଗୁଣ ଯୋଗୁଁ ଘା ହୋଇଥିଲେ ଶୀଘ୍ର ଶୁଖିଯାଏ। ଏଥିରେ ଥିବା ଭିଟାମିନ୍ ଏ ଏବଂ ଇ ତ୍ଵଚାକୁ ସୁସ୍ଥ ରଖେ।
