ପ୍ରମୁଖ ଖବର
  • ମୟୂରଭଞ୍ଜ ଗସ୍ତରେ ଯିବେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ, ରାଇରଙ୍ଗପୁର ଏବଂ ବାରିପଦାରେ ଦଳୀୟ ପ୍ରାର୍ଥୀଙ୍କ ପାଇଁ କରିବେ ପ୍ରଚାର
  • ||
  • ନିର୍ବାଚନ ପାଇଁ ଦୁଇ ଦିନ ମଦ ଦୋକାନ ଏବଂ ବାର୍‌ ବନ୍ଦ, ଭୋଟ୍‌ ଗଣତି ଦିନ ରାଜ୍ୟସାରା ମଦ ଦୋକାନ ବନ୍ଦ
  • ||
  • ଶନିବାର ତୃତୀୟ ପର୍ଯ୍ୟାୟ ମତଦାନ: ୬ ଲୋକସଭା, ୪୨ ବିଧାନସଭା ସିଟ୍‌ରେ ୪୪୭ ପ୍ରାର୍ଥୀଙ୍କ ଭାଗ୍ୟ ପରୀକ୍ଷା
  • ||
  • ରଥଖଳା ହାଲ୍‌ଚାଲ୍‌...ସିଙ୍ଗଡ଼ା ବାଡ଼ିଆ, ପହି ବିନ୍ଧ ଅନୁକୂଳ...
  • ||
  • IPL 2024: ଦ୍ୱିତୀୟ କ୍ୱାଲିଫାୟରରେ ମୁହାଁମୁହିଁ ହେବେ ରୟାଲ୍ସ- ସନରାଇଜର୍ସ, ଟ୍ରାଭିସେକ ଯୋଡ଼ିଙ୍କୁ ଅଟକାଇବେ ସ୍ପିନ୍‌ ଟାଇଟନ
  • ||
  • ଦାନା ବାନ୍ଧୁଛି ବାତ୍ୟା ‘ରେମାଲ୍‌’: ୨୫ରେ ବାତ୍ୟା ରୂପ ନେବ, ୨୬ରେ ଭୀଷଣ ବାତ୍ୟାରେ ହେବ ପରିଣତ
  • ||

ଫିଲ୍ମ ଷ୍ଟାଇଲ୍‌ରେ ବ୍ୟାଙ୍କରୁ ୪୨ ଲକ୍ଷ ଟଙ୍କା ଲୁଟ୍‌ କଲେ ୩ କର୍ମଚାରୀ, କିଛି ଘଣ୍ଟାର ତଦନ୍ତ ପରେ ଧରିନେଲା ପୋଲିସ

ନୂଆଦିଲ୍ଲୀ,୧୫।୫: ବ୍ୟାଙ୍କ କର୍ମଚାରୀ ବାହାରିଲେ  ଚୋର। ଲୁଟିଥିଲେ ୪୨ ଲକ୍ଷ ଟଙ୍କା, ହେଲେ ମାତ୍ର କିଛି ଘଣ୍ଟା ପରେ ଧରିନେଲା ପୋଲିସ। ଏଭଳି ଏକ ଘଟଣା ମଧ୍ୟ ପ୍ରଦେଶର ଦମୋହରେ ଥିବା ଏକ ବ୍ୟାଙରେ ଘଟିଛି।  ମାମଲାର ବଡ ଖୁଲାସା କରି ପୋଲିସ କହିଛି, ଅଭିଯୋଗକାରୀ ବ୍ୟାଙ୍କ କର୍ମଚାରୀ ଏହି ଲୁଟ୍‌ର ମାଷ୍ଟରମାଇଣ୍ଡ ଥିଲା। ଚୋରି  ଘଟଣାକୁ  ସଫଳ କରିବାକୁ ବ୍ୟାଙ୍କର ତିନିଜଣ କର୍ମଚାରୀ ଏକାଠି କରିଥିଲେ ଯୋଜନା । 

ଉଲ୍ଲେଖନୀୟ ଯେ, ମଙ୍ଗଳବାର ରାତିରେ ଦମୋହ ଜିଲ୍ଲାର ମଗରୋନ ଥାନା ଅନ୍ତର୍ଗତ ଫତେହପୁର ମଧ୍ୟାଞ୍ଚଳ ଗ୍ରାମୀଣ ବ୍ୟାଙ୍କରୁ ୪୨ ଲକ୍ଷ ଟଙ୍କା ଲୁଟ୍‌ ହୋଇଥିଲା। ଏ ସମ୍ପର୍କରେ ପୋଲିସକୁ ବ୍ୟାଙ୍କ କର୍ମଚାରୀ ସୂଚନା ଦେଇଥିଲେ। ପୋଲିସକୁ ଚକମା ଦେଖାଇବା ପାଇଁ ଅଭିଯୁକ୍ତ କହିଥିଲା, ୫ରୁ ଅଧିକ ମୁଖା ପିନ୍ଧିଥିବା ଲୁଟେରା ହତିଆର ଦେଖାଇ ଟଙ୍କା ନେଇଗଲେ।ପୋଲିସ ଏହି ମାମଲାକୁ ମାତ୍ର କିଛି ଘଣ୍ଟା ତଦନ୍ତ କରିବା ପରେ ସମାଧାନ କରିଥିଲା। ଏହା ସହିତ ପୋଲିସ ଲୁଟ୍ ହୋଇଥିବା ୪୨ ଲକ୍ଷ ଟଙ୍କା ଓ ସିସିଟିଭି ଫୁଟେଜ୍ ସହିତ ଡିଭିଆର ବାକ୍ସକୁ ଜବତ କରିନେଇଛି। 

ପୋଲିସ ଏହି ଲୁଟ୍ ଘଟଣାର ଖୁଲାସା ବୁଧବାର ସକାଳେ କରିଛି। ପୋଲିସ ଅଧିକାରୀଙ୍କ ଅନୁସାରେ, ଲୁଟ୍ ହୋଇଥିବା ନଗଦ ୪୨ ଲକ୍ଷ ଟଙ୍କା ଜବତ କରାଯାଇଛି। ପୋଲିସ ଏହି କଥାରେ ଆଶ୍ଚର୍ଯ୍ୟ ଥିଲା ଯେ, ସନ୍ଧ୍ୟା ହେବାମାତ୍ରେ ବିନା ଭୟରେ ୫ ଜଣ ଲୁଟେରା କିଭଳି ଟଙ୍କା ଲୁଟିନେଲେ? କିଭଳି ଆଖପାଖର ଲୋକ ଜାଣିପାରିଲେନି ? ଘଟଣାସ୍ଥଳରେ ଅଭିଯୁକ୍ତମାନେ କିଛି ନୋଟ୍‌ ବିଡା ପାଖର ଥିବା ଏକ ଡ୍ରେନ୍‌ରେ ପକାଇବା ସହ ଡିଭିଆର ଗାଏବ କରିଦେଇଥିଲେ। ଯାହାଫଳରେ ପୋଲିସକୁ ବ୍ୟାଙ୍କ କର୍ମଚାରୀଙ୍କ ଉପରେ ସନ୍ଦେହ ହୋଇଥିଲା। ପୋଲିସ ବ୍ୟାଙ୍କ କ୍ୟାସିଅର ରୋହିତ ବିଶ୍ବକର୍ମା, ସିକ୍ୟୁରିଟି ଗାର୍ଡ ଓ ଅନ୍ୟ ଜଣେ ଅଭିଯୁକ୍ତକୁ ଗିରଫ କରିଛି। 

 

News7 Is Now On WhatsApp Join And Get Latest News Updates Delivered To You Via WhatsApp

Copyright © 2024 - Summa Real Media Private Limited. All Rights Reserved.