ନୂଆଦିଲ୍ଲୀ,୨୨।୧୦: ରେସଲର ତଥା ବିଜେପି ନେତ୍ରୀ ବବିତା ଫୋଗାଟଙ୍କୁ ନେଇ ରେସଲର ସାକ୍ଷୀ ମଲିକଙ୍କ ଚାଞ୍ଚଲ୍ୟକର ମନ୍ତବ୍ୟ। ସେ ଏକ ଜାତୀୟ ଗଣମାଧ୍ୟମକୁ ସାକ୍ଷାତକାର ଦେଇ କହିଛନ୍ତି, ବବିତା ଫୋଗାଟ କୁସ୍ତିଯୋଦ୍ଧାମାନଙ୍କୁ ବ୍ରିଜଭୂଷଣ ସିଂହଙ୍କ ବିରୋଧରେ ବିରୋଧ ପ୍ରଦର୍ଶନ କରିବାକୁ ଉତ୍ସାହିତ କରିଥିଲେ। କାରଣ ସେ WFI ସଭାପତି ହେବାକୁ ଚାହୁଁଥିଲେ। ସେଥିପାଇଁ ଫେଡରେସନ୍ରେ ମହିଳା ଖେଳାଳିଙ୍କୁ ଯୌନ ଶୋଷଣ କରାଯାଉଥିବା କଥା କହିଥିଲେ। ସାକ୍ଷୀଙ୍କ ଏହି ବୟାନ ପରେ ବିଜେପିର ପୂର୍ବତନ ସାଂସଦ ତଥା କୁସ୍ତି ମହାସଂଘ (WFI)ର ପୂର୍ବତନ ସଭାପତି ବ୍ରିଜଭୂଷଣ ଶରଣ ସିଂହଙ୍କୁ ନେଇ ଚାଲି ଆସିଥିବା ବିବାଦ ନୂଆ ମୋଡ଼ ନେଇଛି।
କେବଳ ସେତିକି ନୁହେଁ, ସାକ୍ଷାତକାରରେ ଆହୁରି ଚାଞ୍ଚଲ୍ୟକର ବୟାନ ଦେଇଛନ୍ତି ସାକ୍ଷୀ। ସେ କହିଛନ୍ତି, ବବିତା ଆମକୁ ଡକାଇ ଫେଡେରେସନ ମଧ୍ୟରେ ନିର୍ଯ୍ୟାତନା ଦିଆଯାଉଥିବା କହି ଆନ୍ଦୋଳନ କରିବାକୁ କହିଥିଲେ। ଆମେ ଭାବିଥିଲୁ ସେ ମଧ୍ୟ ଏହି ପ୍ରତିବାଦରେ ଆମ ସହ ବସି କୁସ୍ତିଯୋଦ୍ଧା ଭାବରେ ଅନ୍ୟାୟ ବିରୁଦ୍ଧରେ ସ୍ୱର ଉତ୍ତୋଳନ କରିବେ। ହେଲେ ସେ ଆମ ସହ ଏତେ ବଡ଼ ଖେଳ ଖେଳିଦେବେ ବୋଲି ଜାଣିନଥିଲୁ। ବ୍ରିଜଭୂଷଣଙ୍କ ବିରୁଦ୍ଧରେ ଏହି ଆନ୍ଦୋଳନ କରିବାର ଉଦ୍ଦେଶ୍ୟ ବବିତାଙ୍କର ଥିଲା। କାରଣ ଏଥିରେ ତାଙ୍କର ନିଜସ୍ୱ ଏଜେଣ୍ଡା ଥିଲା। ସେ WFIର ସଭାପତି ହେବାକୁ ଚାହୁଁଥିବାରୁ ଏପରି କରାଇଥିଲେ।
ତାଙ୍କୁ ଯେତେବେଳେ ପଚରାଯାଇଥିଲା ଆନ୍ଦୋଳନ କରିବାକୁ କଂଗ୍ରେସ ସାହାଯ୍ୟ କରୁଥିଲା କି ? ସେ କହିଛନ୍ତି, କଂଗ୍ରେସର ହାତ ଏହା ପଛରେ ଅଛି, କିନ୍ତୁ ଏହା ଭୁଲ୍। ପ୍ରକୃତରେ ଦୁଇ ବିଜେପି ନେତା ଆମକୁ ହରିୟାଣାରେ ବିରୋଧ ପ୍ରଦର୍ଶନ କରିବାକୁ ସାହାଯ୍ୟ କରିଛନ୍ତି। ସାକ୍ଷୀ କହିଛନ୍ତି, ଆମକୁ ଲାଗିଥିବା ବବିତା ଆମ ସହ ବସିବେ, କିନ୍ତୁ ସେ ଆମକୁ ଧାରଣାରେ ବସାଇ ନିଜେ ପଛକୁ ହଟିଗଲେ। ଆମେ ତୁରନ୍ତ ଆସିବ ବିରୋଧ ପ୍ରଦର୍ଶନ କରିନଥିଲେ। ଭିନେଶ ଫୋଗଟ ଗୃହମନ୍ତ୍ରୀ ଅମିତ ଶାହଙ୍କୁ ପୁରା କଥା କହିଥିଲେ। ସେ କାର୍ଯ୍ୟାନୁଷ୍ଠାନ ଆଶ୍ବାସନା ଦେଇଥିଲେ, କିନ୍ତୁ ପରେ କାର୍ଯ୍ୟାନୁଷ୍ଠାନ ଗ୍ରହଣ କରାଯାଇନଥିଲା। ୨୧ ଡିସେମ୍ବର ୨୦୨୩ରେ ଆମେ ସାମ୍ବାଦିକ ସମ୍ମିଳନୀ କରି ଏହି କଥା କହିଥିଲୁ।