ଲାହୋର: ଗଦ୍ଦାଫି ଷ୍ଟାଡିୟମରେ ବର୍ଷା ଯୋଗୁଁ ଅଷ୍ଟ୍ରେଲିଆ ବନାମ ଆଫଗାନିସ୍ତାନ ମ୍ୟାଚ୍ ବାତିଲ ହୋଇଛି । ଏହା ସହିତ ଅଷ୍ଟ୍ରେଲିଆ ସେମିଫାଇନାଲ ପାଇଁ ଯୋଗ୍ୟତା ଅର୍ଜନ କରିଛି । ଏହି ମ୍ୟାଚ୍ରେ ଆଫଗାନିସ୍ତାନ ପ୍ରଥମେ ବ୍ୟାଟିଂ କରି ୨୭୩ ରନ୍ କରିଥିଲା । ଜବାବରେ କଙ୍ଗାରୁ ଦଳ ସମ୍ପୂର୍ଣ୍ଣ ୧୩ ଓଭର ମଧ୍ୟ ଖେଳିପାରିନଥିଲା । ୨୭୪ ରନର ଲକ୍ଷ୍ୟ ପିଛା କରୁଥିବା ଅଷ୍ଟ୍ରେଲିଆ ୧୨.୫ ଓଭରରେ ଗୋଟିଏ ୱିକେଟ ହରାଇ ୧୦୯ ରନ କରିଥିଲା ।
ଏହା ପରେ ବର୍ଷା ହୋଇଥିଲା। ଟ୍ରାଭିସ୍ ହେଡ୍ ୫୯ ରନ୍ ଏବଂ ଅଧିନାୟକ ଷ୍ଟିଭ୍ ସ୍ମିଥ୍ ୧୯ ରନ୍ କରିଥିଲେ । ଭାରତୀୟ ସମୟ ରାତି ପ୍ରାୟ ୭:୩୦ ସମୟରେ ବର୍ଷା ଆରମ୍ଭ ହୋଇଥିଲା। କିନ୍ତୁ କିଛି ସମୟ ପରେ ଏହା ବନ୍ଦ ହୋଇଯାଇଥିଲା । ଦେଢ଼ ଘଣ୍ଟା ପରେ ମଧ୍ୟ ଗ୍ରାଉଣ୍ଡ ଷ୍ଟାଫ୍ ଗ୍ରାଉଣ୍ଡକୁ ପ୍ରସ୍ତୁତ କରିପାରି ନଥିଲେ । ତେଣୁ ଏହି ମ୍ୟାଚ୍ ଡ୍ର ହୋଇଯିବାରୁ ଆଫଗାନିସ୍ତାନ ସବୁଠାରୁ ଅଧିକ କ୍ଷତି ସହିଛି ।
ମ୍ୟାଚ୍ ଡ୍ର ରହିବାରୁ ଉଭୟ ଟିମକୁ ୧-୧ ପଏଣ୍ଟ ମିଳିଛି । ଫଳରେ ଅଷ୍ଟ୍ରେଲିଆ ୪ ପଏଣ୍ଟ ପାଇବା ସହ ସେମିରେ ପ୍ରବେଶ କରିଛି । ଏହା ପୂର୍ବରୁ ବର୍ଷା ଯୋଗୁଁ ପାକିସ୍ତାନା ଏବଂ ବାଂଲାଦେଶ ମ୍ୟାଚ୍ ବାତିଲ ହୋଇଥିଲା । ଉଭୟ ଦଳରୁ ଚାମ୍ପିଅନ୍ସ ଟ୍ରଫି ୨୦୨୫ରୁ ବିଦା ହୋଇଥିଲେ । ଏବେ ସେମି ଫାଇନାଲ୍ରେ ଭାରତ, ନ୍ୟୁଜିଲାଣ୍ଡ, ଅଷ୍ଟ୍ରେଲିଆ ସ୍ଥାନ ପକା କରିଛନ୍ତି ।
