ନୂଆଦିଲ୍ଲୀ,୨୭/୨ : ଆଇପିଏଲ୍ ୨୦୨୫ ଲାଗି ଦିଲ୍ଲୀ କ୍ୟାପିଟାଲ୍ସ ଇଂଲଣ୍ଡର ପୂର୍ବତନ ଅଧିନାୟକ କେଭିନ ପିଟରସନଙ୍କୁ ନିଜ ମେଣ୍ଟର ନିଯୁକ୍ତ କରିଛି । ପିଟରସନ ଆଇପିଏଲରେ ଦିଲ୍ଲୀ କ୍ୟାପିଟାଲ୍ସ ସମେତ କେତେକ ଟିମରେ ଖେଳିସାରିଛନ୍ତି । ପିଟରସନ ଟିମ୍ ହେଡ଼ କୋଚ୍ ହେମଙ୍ଗ ବଦାନୀ, ମ୍ୟାଥ୍ୟୁ ମାଣ୍ଟ(ସହାୟକ କୋଚ), ମୁନାଫ ପଟେଲ(ବୋଲିଂ କୋଚ୍) ଏବଂ ବେଣୁ ଗୋପାଳ ରାଓ୍ବ(କ୍ରିକେଟ ନିର୍ଦେଶକ)ଙ୍କ ସହ ଟିମକୁ ମଜବୁତ କରିବା ଲାଗି କାର୍ଯ୍ୟ କରିବେ ।
ଏହା ଆଇପିଏଲରେ କେଭିନ ପିଟରସନଙ୍କ ପ୍ରଥମ କୋଚିଂ ଅନୁଭବ ହେବ । ସେ ୨୦୧୬ରେ ଶେଷ ଥର ଲାଗି ଲିଗ୍ କ୍ରିକେଟ ଖେଳିଥିଲେ । ସେ ୨୦୦୯ରୁ ୨୦୧୬ପର୍ଯ୍ୟନ୍ତ ୩ଆଇପିଏଲ୍ ଫ୍ରାଞ୍ଚାଇଜ୍ ଲାଗି ଖେଳିଛନ୍ତି । ଏଥିରେ ଦିଲ୍ଲୀ କ୍ୟାପିଟାଲ୍ସ ବି ସାମିଲ ରହିଛି। ଆଇପିଏଲରେ ସେ ୧୭ମ୍ୟାଚରେ ଅଧିନାୟକ ଥିଲେ । ୨୦୦୯ରେ ପିଟରସନ ରୟାଲ ଚ୍ୟାଲେଞ୍ଜର୍ସ ବେଙ୍ଗାଲୁର ଲାଗି ଅଧିନାୟକ କରିଥିଲେ। ଏହାପରେ ୨୦୧୪ରେ ସେ ପୂରା ସିଜନ ସମୟରେ ଡେୟାରଡେବିଲ୍ସର ଅଧିନାୟକତ୍ବ କରିଥିଲେ। ମାତ୍ର ଟିମର ପ୍ରଦର୍ଶନ ଖରାପ ଥିଲା। ସେହି ସିଜନରେ ଦିଲ୍ଲୀ ୧୪ମ୍ୟାଚରେ ଦୁଇ ବିଜୟ ପରେ ତାଲିକାରେ ତଳେ ଥିଲା ।
