ମୁମ୍ୱାଇ : ବଲିଉଡ୍ ଷ୍ଟାର ଗୋବିନ୍ଦାଙ୍କୁ ନେଇ ଏମିତି ଖବର ଆସିଛି ଯେ , ଅଭିନେତାଙ୍କର ନିଜ ପତ୍ନୀ ସୁନୀତାଙ୍କ ଠାରୁ ଛାଡ଼ପତ୍ର (ତଲାକ୍) ହେଉଛି। ରିପୋର୍ଟ ଅନୁସାରେ , ଗୋବିନ୍ଦାଙ୍କ ଓକିଲ ସ୍ପଷ୍ଟ କରିଛନ୍ତି ଯେ,ସୁନୀତା ୬ ମାସ ପୂର୍ବେ ଅଭିନେତାଙ୍କୁ ଛାଡ଼ପତ୍ର ନୋଟିସ୍ ପଠାଇ ଥିଲେ, ହେଲେ ଏବେ ଉଭୟଙ୍କ ମଧ୍ୟରେ ସବୁ କିଛି ଠିକ୍ ଅଛି। ଏହି ମଧ୍ୟରେ ସୁନୀତାଙ୍କ ଏକ ଭିଡ଼ିଓ ସୋସିଆଲ ମିଡ଼ିଆରେ ଭାଇରାଲ ହେଉଛି, ଯେଉଁଥିରେ ସେ କହିବାର ଶୁଣା ଯାଉଛି ଯେ, କେହି ବି ତାଙ୍କୁ ଓ ଗୋବିନ୍ଦାଙ୍କୁ ଅଲଗା କରି ପାରିବେ ନାହିଁ।
ସୁନୀତା ଆହୁଜା କିଛି ଦିନ ପୂର୍ବେ ହିନ୍ଦୀ ରଶ୍କୁ ଏକ ସାକ୍ଷାତକାର ଦେଇ ଥିଲେ। ଏଥିରେ ସେ କହିଥିଲେ ଯେ, ସେ ଓ ଗୋବିନ୍ଦା ଅଲଗା ଅଲଗା ଘରେ ରହୁଛନ୍ତି। ଏକ ସାକ୍ଷାତକାରରେ ସୁନୀତା ଏହା ମଧ୍ୟ କହି ଥିଲେ ,ସେ ଗତ ୧୨ ବର୍ଷ ହେବ ନିଜର ଜନ୍ମଦିନ ଏକା ଏକା ପାଳୁଛନ୍ତି। ସେବେ ଠାରୁ ଏମିତି ଖବର ଆସିବାରେ ଲାଗିଛି ଯେ, ତାଙ୍କର ଓ ଗୋବିନ୍ଦାଙ୍କ ମଧ୍ୟରେ ସବୁ ଠିକଠାକ୍ ନାହିଁ। ଏବେ ଭାଇରାଲ ହେଉଥିବା ଭିଡିଓରେ ସୁନୀତା ଗୋବିନ୍ଦାଙ୍କ ଅଲଗା ରହିବାର ଅସଲ କାରଣ କହିବାର ମଧ୍ୟ ଦେଖିବାକୁ ମିଳୁଛି।
ଭିଡ଼ିଓରେ ସୁନୀତା କହୁଛନ୍ତି – ଅଲଗା ଅଲଗା ରହୁଛୁ ଅର୍ଥ ଯେବେ ସେ ପଲିଟିକ୍ସରେ ଜଏନ୍ କରିଥିଲେ , ସେତେବେଳେ ମୋର ଝିଅ ବଢୁଥିଲା ତ ସବୁ କାର୍ଯ୍ୟକର୍ତ୍ତା ଘରକୁ ଆସୁଥିଲେ। ଏବେ ଯବାନ ଝିଅ ଅଛି ,ଆମେ ଅଛୁ , ଆମେ ସାର୍ଟ୍ସ ପିନ୍ଧି ଘରେ ବୁଲୁଛୁ ତ ଏଥିପାଇଁ ଆମେ ସାମନାରେ ଅଫିସ ନେଇଥିଲୁ। ଆମକୁ ,ମୋତେ ଓ ଗୋବିନ୍ଦାଙ୍କୁ ଏହି ଦୁନିଆରେ ଯଦି କେହି ଅଲଗା କରି ପାରିବ ତ ସାମନା ଆସୁ।
୧୯୮୭ରେ ହୋଇଥିଲା ଗୋବିନ୍ଦା-ସୁନୀତାଙ୍କ ବିବାହ –
କହି ରଖୁଛୁ କି , ଗୋବିନ୍ଦା ମାର୍ଚ୍ଚ ୧୯୮୭ରେ ସୁନୀତାଙ୍କୁ ବିବାହ କରିଥିଲେ। ୧୯୮୮ରେ ଦମ୍ପତି ନିଜର ଝିଅ ଟିନାଙ୍କୁ ସ୍ୱାଗତ କରିଥିଲେ। ତାଙ୍କର ଜଣେ ପୁଅ ମଧ୍ୟ ଅଛି , ଯାହାଙ୍କ ନାଁ ଯଶବର୍ଦ୍ଧନ । ସୁନୀତା ଅନେକ ସମୟରେ ଗୋବିନ୍ଦା ଓ ପିଲାଙ୍କ ସହ ନିଜର ଫଟୋ ସୋସିଆଲ ମିଡ଼ିଆରେ ସେୟାର କରିଥାନ୍ତି।
