ମୁମ୍ବାଇ: ସେଲିବ୍ରିଟି ଦମ୍ପତି ବିରାଟ କୋହଲି ଏବଂ ଅନୁଷ୍କା ଶର୍ମାଙ୍କୁ ନେଇ ସର୍ବଦା ଚର୍ଚ୍ଚା ହୋଇଥାଏ । ଦୁହେଁ ଦୁହିଁଙ୍କୁ ଖୁବ ଭଲ ପାଆନ୍ତି । ସୋସିଆଲ ମିଡିଆରେ ମଧ୍ୟ ଦୁହିଁଙ୍କ ଭଲ ପାଇବାର ଝଲକ ଦେଖିବାକୁ ମିଳେ । ଆଜି ଅନୁଷ୍କା ଶର୍ମାଙ୍କ ଜନ୍ମଦିନରେ ବିରାଟ କୋହଲି ତାଙ୍କ ପାଇଁ ଭାବୁକ ପୋଷ୍ଟ ଲେଖିଛନ୍ତି । ଆଉ ଏହି ପୋଷ୍ଟ ତାଙ୍କର ଫ୍ୟାନ୍ସଙ୍କ ହୃଦୟକୁ ଛୁଇଁନେଇଛି । ଇନଷ୍ଟାଗ୍ରାମ ପୋଷ୍ଟରେ ଯାହା କିଛି ବି କୋହଲି ଲେଖିଛନ୍ତି, ତାହା ଦେଖିଲା ପରେ ଫ୍ୟାନ୍ସ କହୁଛନ୍ତି ସ୍ବାମୀ ହେବ ତ କୋହଲିଙ୍କ ଭଳି । ବିରାଟ କୋହଲିଙ୍କ ଏହି ଖାସ୍ ପୋଷ୍ଟ ଅଭିନେତ୍ରୀ ଅନୁଷ୍କାଙ୍କ ଏହି ସ୍ପେଶାଲ୍ ଡେ’କୁ ଆହୁରି ଖାସ କରିଦେଇଛି ।
କୋହଲି ନିଜର ଇନଷ୍ଟା ପୋଷ୍ଟରେ ଲେଖିଛନ୍ତି ଯେ, ‘ଯଦି ତୁମେ ମିଳିନଥାନ୍ତ ମୁଁ ସମ୍ପୂର୍ଣ୍ଣ ଭାବେ ହଜିଯାଇଥାନ୍ତି । ଜନ୍ମଦିନର ଶୁଭେଚ୍ଛା ମୋ ପ୍ରେମ । ତୁମେ ଆମ ଦୁନିଆକୁ ଆଲୋକିତ କରିଛ । ତୁମେ ମୋର ବହୁତ ପସନ୍ଦ ।’ ଏହା ସହ କୋହଲି ଅନୁଷ୍କାଙ୍କ ଫଟୋ ସେୟାର କରିଛନ୍ତି ।ଏଭଳି ରୋମାଣ୍ଟିକ ପୋଷ୍ଟ ଦେଖିବା ପରେ ଲୋକେ କୋହଲିଙ୍କୁ ଖୁବ ପ୍ରଶଂସା କରିଛନ୍ତି । ଜଣେ ଇନଷ୍ଟା ୟୁଜର ଲେଖିଛନ୍ତି, ବିରାଟଙ୍କ ଭଳି ସ୍ବାମୀ ମିଳିବା ଭାଗ୍ୟର କଥା । ଆଉ ଜଣେ ଲେଖିଛନ୍ତି, ବିରାଟ କୋହଲି ଏବଂ ଅନୁଷ୍କା ଶର୍ମାଙ୍କ ମଧ୍ୟରେ ବହୁତ ଭଲ ପାଇବା ଅଛି ।
ସେପଟେ ବଲିଉଡ ସୁପରଷ୍ଟାର ଶାହରୁଖ ଖାନ କୋହଲିଙ୍କୁ ଖୁବ ପ୍ରଶଂସା କରିଛନ୍ତି । କୋହଲିଙ୍କୁ ସେ ବହୁତ ଭଲ ପାଆନ୍ତି ବୋଲି କହିଛନ୍ତି ଏସଆରକେ । କୋହଲି ଆମ ଜ୍ବାଇଁ ବୋଲି କହିବା ସହ ଅନ୍ୟ ଖେଳାଳିଙ୍କ ଅପେକ୍ଷା ତାଙ୍କ ସହ ନିବିଡ଼ ସଂପର୍କ ଥିବା କହିଛନ୍ତି ଶାହରୁଖ ଖାନ । ସେ ଆହୁରି କହିଛନ୍ତି ଯେ, ବିରାଟ ଏବଂ ଅନୁଷ୍କାଙ୍କ ସହ ବହୁ ପୁରୁଣା ସଂପର୍କ ରହିଛି । ଅନୁଷ୍କାଙ୍କ ସହ ଫିଲ୍ମ କରୁଥିବା ବେଳେ ସୁଟିଂ ସେଟରେ ବିରାଟଙ୍କ ସହ ସାକ୍ଷାତ ହୋଇଥିଲା । ସେ ବହୁତ ଭଲ ସ୍ବଭାବର ମଣିଷ ।
ବଲିଉଡ ଅଭିନେତ୍ରୀ ଅନୁଷ୍କା ଶର୍ମାଙ୍କ ଜନ୍ମ ୧ ମେ’ ୧୯୮୮ରେ ଉତ୍ତର ପ୍ରଦେଶର ଅଯୋଧ୍ୟାରେ ହୋଇଥିଲା । ଅନୁଷ୍କା ମଡେଲିଂରୁ କ୍ୟାରିୟର ଆରମ୍ଭ କରିଥିବା ବେଳେ ୧୬ ବର୍ଷର ଫିଲ୍ମ କ୍ୟାରିୟରରେ ସେ ‘ବ୍ୟାଣ୍ଡ ବଜା ବାରାତ’, ଦିଲ୍ ଧଡ଼କନେ ଦୋ’, ସଞ୍ଜୁ ଔର ସୁଲତାନ’, ରବ୍ ନେ ବନା ଦି ଯୋଡି’ରେ କାମ କରିଛନ୍ତି । ତାଙ୍କୁ ଶେଷ ଥର ପାଇଁ ୨୦୧୮ରେ ‘ସୁଇ ଧାଗା’ରେ ଦେଖିବାକୁ ମିଳିଥିଲା । ଲମ୍ବା ସମୟ ଧରି ଫିଲ୍ମ ଦୁନିଆରୁ ଦୂରେଇ ରହିଛନ୍ତି ଅନୁଷ୍କା ।
ବିରାଟ କୋହଲି ଏବଂ ଅନୁଷ୍କା ଶର୍ମାଙ୍କ ମଧ୍ୟରେ ୨୦୧୩ରେ ସାକ୍ଷାତ ହୋଇଥିଲା । ଏକ ସାମ୍ପୁର ବିଜ୍ଞାପନ ସୁଟିଂ ସମୟରେ ଦୁହେଁ ଦୁହିଁଙ୍କ ସହ ପରିଚିତ ହୋଇଥିଲେ । ପରେ ଧିରେ ଧିରେ ସେମାନଙ୍କ ମଧ୍ୟରେ ପ୍ରେମ ସଂପର୍କ ଗଢ଼ିଉଠିଥିଲା । ୬ ବର୍ଷ ପର୍ଯ୍ୟନ୍ତ ଡେଟିଂ କରିବା ପରେ ବିରାଟ ଏବଂ ଅନୁଷ୍କା ୧୧ ଡିସେମ୍ବର ୨୦୧୭ରେ ବିବାହ କରିଥିଲେ । କୋହଲିଙ୍କୁ ବିବାହ କରିବା ପରେ ଅନୁଷ୍କା ଫିଲ୍ମ ସହ ଜଡ଼ିତ ଥିଲେ । ପରେ ପ୍ରଥମ ସନ୍ତାନ ଭାମିକାଙ୍କ ଜନ୍ମ ପରେ ଅନୁଷ୍କା ଶର୍ମା ଫିଲ୍ମ ଦୁନିଆରୁ ବ୍ରେକ୍ ନେଇଥିଲେ । ଚଳିତବର୍ଷ ଏହି ସେଲିବ୍ରିଟି ଦମ୍ପତିଙ୍କ ଏକ ଶିଶୁପୁତ୍ର ଜନ୍ମ ନେଇଛି । ପୁଅର ନାଁ ଅକାୟ ରଖିଛନ୍ତି ବିରୁଷ୍କା ।
