ଭୁବନେଶ୍ୱର,୨୧/୦୯: ଭରତପୁର ଥାନା ଘଟଣାକୁ ନେଇ ରାଜ୍ୟ ସରକାରଙ୍କ ଉପରେ  ବର୍ଷିଛି ବିଜେଡି । ଏ ପ୍ରସଙ୍ଗ ନେଇ ଶନିବାର  ବିଜୁ ମହିଳା ଜନତ ଦଳ ରାଜଭବନ ଆଗରେ ଧାରଣା ଦେବାକୁ ନିଷ୍ପତ୍ତି ନେଇଛି । ଶଙ୍ଖ ଭବନରେ  ଆୟୋଜିତ ସାମ୍ବାଦିକ ସମ୍ମିଳନୀରେ ସାଂସଦ ସୁଲତା  ଦେଓ, ବିଏମ୍‌ସି ମେୟର ସୁଲୋଚନା ଦାସ, ଦଳର  ମୁଖପାତ୍ର ଲେଖାଶ୍ରୀ ସାମନ୍ତସିଂହାର କହିଛନ୍ତି,  ଭରତପୁର ଥାନାରେ ଜଣେ ମେଜର ଓ ତାଙ୍କ  ବାନ୍ଧବୀ ପ୍ରତି ଅମାନବୀୟ ଅତ୍ୟାଚାର କରାଯାଇଛି ।  

ରାଜ୍ୟରେ ଆଇନଶୃଙ୍ଖଳା ଭୁଶୁଡ଼ି ପଡ଼ିଥିବାବେଳେ  ସରକାର ଶହେ ଦିନ ପୂରଣ କରିବାର ଉତ୍ସବ  ପାଳିବାରେ ବ୍ୟସ୍ତ । ବିଜେପି ସରକାରକୁ ଆସିବା  ପରେ ମୋ’ ସରକାରକୁ ହଟାଇ ଦିଆଗଲା ।  ଫଳରେ ପୁଲିସ ପ୍ରଶାସନର ଉତ୍ତର ଦାୟିତ୍ୱ ବି  ହଟିଗଲା । ରାଜ୍ୟର ଏକ ମଡେଲ୍‌ ଥାନାରେ ଏଭଳି  ଜଘନ୍ୟ ଘଟଣା ଘଟିଥିବା ବେଳେ ସରକାର ଚୁପ୍‌  ହୋଇ ବସିଛନ୍ତି । ଏହା କ’ଣ ଓଡ଼ିଆ ଅସ୍ମିତା?  ଥାନାରୁ ସିସିଟିଭି ରହସ୍ୟମୟ ଭାବେ ଉଭାନ  ହୋଇଯିବାର କାରଣ କ’ଣ? ପୂରା ଘଟଣାର  ବିଚାର ବିଭାଗୀୟ ତଦନ୍ତ କରାଯାଉ । ଏହି ଘଟଣା  ନେଇ ବିଜେଡିର ମହିଳା କର୍ମକର୍ତ୍ତାମାନେ ଶନିବାର  ରାଜଭବନ ଆଗରେ ଧାରଣା ଦେବେ ।