ଚେନ୍ନାଇ ୨୦/୦୯: ଭାରତ-ବାଂଲାଦେଶ ପ୍ରଥମ ଟେଷ୍ଟ । ଚେନ୍ନାଇର ଚିପକ୍ ଷ୍ଟାଡିୟମରେ ଖେଳାଯାଉଛି ଏହି ମ୍ୟାଚ୍ । ପ୍ରଥମ ବ୍ୟାଟିଂ କରି ଟିମ୍ ଇଣ୍ଡିଆ ୩୭୬ ରନ କରି ଅଲଆଉଟ୍ ହୋଇଛି । ପ୍ରଥମ ପାଳିରେ ଭାରତୀୟ ଦଳ ମୋଟ୍ ୯୧.୨ ଓଭର ଖେଳି ସମସ୍ତ ଓ୍ବିକେଟ୍ ହରାଇଛି । ପ୍ରଥମ ଦିନରେ ପ୍ରଭାବ ବିସ୍ତାର କରିଥିବା ରବିଚନ୍ଦ୍ରନ ଅଶ୍ବିନ ଏବଂ ରବିନ୍ଦ୍ର ଜାଡେଜା ଦ୍ବିତୀୟ ଦିନ ଖାସ୍ କିଛି କରିପାରିନଥିଲେ । ଅଶ୍ବିନ ୧୧୩ ରନ କରି ଆଉଟ୍ ହୋଇଥିବା ବେଳେ ଜାଡେଜା ୮୬ ରନ କରି ତସ୍କିନ୍ ଅହମ୍ମଦଙ୍କ ଶିକାର ହୋଇଥିଲେ । ପରେ ଆକାଶ ଦୀପଙ୍କ ଛଡ଼ା କେହି ଭଲ ଖେଳି ପାରିନଥିଲେ । ସେ ୧୭ ରନ୍ ସଂଗ୍ରହ କରି ତସ୍କିନଙ୍କ ବଲରେ ଆଉଟ୍ ହୋଇଥିଲେ । 

ପ୍ରଥମ ଇନିଂସରେ ଟିମ୍ ଇଣ୍ଡିଆ ପକ୍ଷରୁ ରବିଚନ୍ଦ୍ରନ୍ ଅଶ୍ବିନ୍ ସର୍ବାଧିକ ୧୧୩ ରନ ସଂଗ୍ରହ କରିଛନ୍ତି । ତାଙ୍କ ପରେ ରବିନ୍ଦ୍ର ଜାଡଜା ୮୬ ରନ, ଯଶସ୍ବୀ ଜୈସ୍ବାଲ ୫୬ ରନ, ରିଷଭ ପନ୍ତ ୩୯ ରନ କରିଛନ୍ତି । ବଂଲାଦେଶ ପକ୍ଷରୁ ହାସନ ମେହମୁଦ ସର୍ବାଧିକ ୫ଟି ଓ୍ବିକେଟ୍ ନେଇଛନ୍ତି । ଟିସ୍କିନ ଅହମ୍ମଦ ୩ଟି ଓ୍ବିକେଟ୍ ନେଇଥିବା ବେଳେ ନାହିଦ୍ ରାଣା ଏବଂ ମେହଦି ହାସନଙ୍କୁ ଗୋଟିଏ ଲେଖାଏଁ ଓ୍ବିକେଟ୍ ମିଳିଛି । ଏପଟେ ବାଂଲଦେଶକୁ ପ୍ରଥମ ଇନିଂସରେ ପ୍ରାରମ୍ଭିକ ଝଟକା ଲାଗିଛି । ଶାଦମାନ ଇସଲାମଙ୍କୁ ବୋଲ୍ଡ କରିଦେଇଛନ୍ତି ଯଶପ୍ରୀତ୍ ବୁମରା । ଉଭୟ ଦଳ ମଧ୍ୟରେ ସଂଘର୍ଷ ଜାରି ରହିଛି । ଆକାଶ ଦୀପ ଦୁଇ ଜଣଙ୍କୁ ବୋଲ୍ଡ କରି ବାଂଲାଦେଶ ଟପ ବ୍ୟାଟିଂ ଅର୍ଡକୁ ଧ୍ବସ୍ତ କରି ଦେଇଛନ୍ତି।