ନୂଆଦିଲ୍ଲୀ: ଦିଲ୍ଲୀ ବିଧାନସଭା ନିର୍ବାଚନରେ ଆମ୍ ଆଦମୀ ପାର୍ଟି ଏବଂ ଅରବିନ୍ଦ କେଜ୍ରିୱାଲଙ୍କ ପରାଜୟକୁ ନେଇ ମାନସ ମନ୍ଥନ ଆରମ୍ଭ ହୋଇଯାଇଛି । ସେହିଭଳି ସାମାଜିକ କର୍ମୀ ଆନ୍ନା ହଜାରେ ଆପ୍ ପରଜାୟ ପଛର କାରଣ ସବୁ ବଖାଣିଛନ୍ତି । ଆନ୍ନା ହଜାରେ ଭାବପ୍ରବଣ ହୋଇ କହିଛନ୍ତି ଯେ, ସେ କେଜ୍ରିୱାଲଙ୍କୁ ବହୁତ ବୁଝାଇବାକୁ ଚେଷ୍ଟା କରିଥିଲେ କିନ୍ତୁ ସେ ସମାଜ ବିଷୟରେ ଚିନ୍ତା ନକରି ରାଜନୀତିରେ ପ୍ରବେଶ କରିଥିଲେ। ଆନ୍ନା ହଜାରେ କହିଛନ୍ତି, ‘ମୁଁ ତାଙ୍କଠାରୁ ବହୁତ ଆଶା କରିଥିଲି । ମୁଁ ତାଙ୍କୁ ବହୁତ ଭଲ ପାଇଥିଲି, କିନ୍ତୁ ସେ ରାସ୍ତା ଛାଡ଼ି ଚାଲିଗଲେ।’
ଦିଲ୍ଲୀର ପ୍ରଗତି ଏବଂ ଲୋକଙ୍କ ଅଧିକାର ପାଇଁ ଲଢ଼େଇ ଜାରି ରହିବ: ରାହୁଲ ଗାନ୍ଧୀ
ସାମାଜିକ କର୍ମୀ ଆନ୍ନା ହଜାରେ କହିଛନ୍ତି, ‘ମୁଁ ବହୁତ ଦିନ ଧରି କହିଆସୁଛି ଯେ ନିର୍ବାଚନ ଲଢ଼ିବା ସମୟରେ ପ୍ରାର୍ଥୀଙ୍କ ଆଚରଣ, ଚିନ୍ତାଧାରା ଏବଂ ଚରିତ୍ର ପବିତ୍ର ହେବା ଉଚିତ। ଏହି ଲୋକମାନେ ମଦ୍ୟପାନରେ ଲିପ୍ତ ଥିଲେ, ସେମାନଙ୍କର ଛବି ଖରାପ ଥିଲା, ଏହି କାରଣରୁ ସେମାନଙ୍କୁ କମ୍ ଭୋଟ ମିଳିଛି।’ ମଦ ନୀତି ଏବଂ ଟଙ୍କା ଉପରେ ଧ୍ୟାନ ଦେବା କାରଣରୁ ଅରବିନ୍ଦ କେଜ୍ରିୱାଲଙ୍କ ନେତୃତ୍ୱାଧୀନ ଆମ ଆଦମୀ ପାର୍ଟି (ଆପ୍)କୁ ଦିଲ୍ଲୀ ବିଧାନସଭା ନିର୍ବାଚନରେ ପରାଜୟର ସାମ୍ନା କରିବାକୁ ପଡିଛି । ଅରବିନ୍ଦ କେଜ୍ରିଓ୍ବାଲ ନିଃସ୍ୱାର୍ଥପର ଭାବରେ ଲୋକଙ୍କ ସେବା କରିବାର କର୍ତ୍ତବ୍ୟ ବୁଝିପାରିଲେ ନାହିଁ ବୋଲି ଆନ୍ନା ହଜାରେ କହିଛନ୍ତି । କେଜ୍ରିୱାଲଙ୍କୁ ଟାର୍ଗେଟ କରି ଆନ୍ନା ହଜାରେ କହିଛନ୍ତି ଯେ, ପ୍ରାର୍ଥୀଙ୍କ ଚରିତ୍ର ନିର୍ମଳ ହେବା ଉଚିତ ଏବଂ ତାଙ୍କୁ ତ୍ୟାଗର ମହତ୍ବ ବୁଝିବା ଦରକାର । ପ୍ରାର୍ଥୀଙ୍କ ଏହି ଗୁଣଗୁଡ଼ିକ ଲୋକଙ୍କ ବିଶ୍ୱାସ ଜିତିଥାଏ ଏବଂ ସେମାନେ ଭାବନ୍ତି ଯେ, ପ୍ରାର୍ଥୀ ସେମାନଙ୍କ ପାଇଁ କିଛି କରିବେ।
Congress: ଆପ୍ର ପରାଜୟ ପରେ ବଡ଼ ଦାବି କଲେ ଜୟରାମ ରମେଶ, କହିଲେ- ୨୦୩୦ରେ ଦିଲ୍ଲୀରେ ସରକାର କରିବ କଂଗ୍ରେସ
ସୂଚନାଯୋଗ୍ୟ, ବରିଷ୍ଠ ଆପ ନେତା ଏବଂ ପୂର୍ବତନ ଉପମୁଖ୍ୟମନ୍ତ୍ରୀ ମନୀଷ ସିସୋଦିଆ ଜଙ୍ଗପୁରାରୁ ପରାସ୍ତ ହୋଇଛନ୍ତି । ସେହିଭଳି ଦଳର ସୁପ୍ରିମୋ ଅରବିନ୍ଦ କେଜ୍ରିୱାଲ ନୂଆଦିଲ୍ଲୀ ବିଧାନସଭା ଆସନରୁ ପରାଜୟର ସମ୍ମୁଖୀନ ହୋଇଛନ୍ତି । ଦୁର୍ନୀତି ବିରୋଧୀ ଆନ୍ଦୋଳନ ପରେ ୨୦୧୨ ମସିହାରେ କେଜ୍ରିୱାଲଙ୍କ ନେତୃତ୍ୱରେ ଆମ ଆଦମୀ ପାର୍ଟି (AAP) ପ୍ରତିଷ୍ଠିତ ହୋଇଥିଲା । କେଜ୍ରିୱାଲଙ୍କୁ ହଜାରେଙ୍କ ସମର୍ଥକ ବୋଲି ବିବେଚନା କରାଯାଏ । କିନ୍ତୁ ୨୦୧୨ ରେ ଆମ ଆଦମୀ ପାର୍ଟି ଗଠନ ହେବା ପରେ ଦୁହେଁ ଅଲଗା ହୋଇ ଯାଇଥିଲେ ।
