ନୂଆଦିଲ୍ଲୀ,୯।୭: ଭାରତୀୟ ମହାକାଶଚାରୀ ଶୁଭାଂଶୁ ଶୁକ୍ଳା ଅନ୍ତର୍ଜାତୀୟ ମହାକାଶ କେନ୍ଦ୍ରରେ ତାଙ୍କ ୧୪ ଦିନର ରହଣିର ୧୨ ଦିନ ପୂରଣ କରିଛନ୍ତି। ଏହି ୧୦ ଦିନରେ ସେ ଅନେକ ପରୀକ୍ଷଣ କରିଛନ୍ତି। ଏହି ସମୟରେ ସେ ଜଣେ ଚାଷୀଙ୍କ ଭୂମିକା ମଧ୍ୟ ଗ୍ରହଣ କରିଛନ୍ତି। ସେ ତାଙ୍କ ସହିତ ଆଣିଥିବା ମେଥି ଏବଂ ମୁଗ ବିହନକୁ ଅଙ୍କୁରିତ କରିଚନ୍ତି। ଅନ୍ତର୍ଜାତୀୟ ମହାକାଶ କେନ୍ଦ୍ର (ISS) ରେ ସ୍ପ୍ରାଉଟ୍ସ ପ୍ରୋଜେକ୍ଟକୁ ମାଇକ୍ରୋଗ୍ରାଭିଟି ଅଙ୍କୁରିତ ହେବା ଏବଂ ଉଦ୍ଭିଦର ପ୍ରାରମ୍ଭିକ ବୃଦ୍ଧି ଏବଂ ସେମାନଙ୍କ ଉପରେ ଗୁରୁତ୍ୱାକର୍ଷଣର ପ୍ରଭାବ ଅଧ୍ୟୟନ କରିବା ପାଇଁ କରାଯାଉଛି।
‘ସ୍ପ୍ରାଉଟ୍ସ ପ୍ରୋଜେକ୍ଟ ଅନ ଆର୍ଥ’ର ନେତୃତ୍ୱ ନେଉଛନ୍ତି କୃଷି ବିଜ୍ଞାନ ବିଶ୍ୱବିଦ୍ୟାଳୟ, ଧାରୱାଡର ରବିକୁମାର ହୋସାମଣି ଏବଂ ଭାରତୀୟ ପ୍ରଯୁକ୍ତି ପ୍ରତିଷ୍ଠାନ, ଧାରୱାଡର ସୁଧୀର ସିଦ୍ଧପୁରେଡ୍ଡି। ଏହି ଗବେଷଣା ସମ୍ପର୍କରେ ଆକ୍ସିଅମ୍ ସ୍ପେସ୍ ଦ୍ୱାରା ଜାରି ଏକ ବିବୃତ୍ତିରେ କୁହାଯାଇଛି ଯେ ପୃଥିବୀକୁ ଫେରିବା ପରେ, ଏହି ବିହନଗୁଡ଼ିକୁ ଅନେକ ପିଢ଼ି ପର୍ଯ୍ୟନ୍ତ ଚାଷ କରାଯିବ। ଯାହାଦ୍ୱାରା ସେମାନଙ୍କର ଜେନେଟିକ୍ସ, ମାଇକ୍ରୋବାଏଲ୍ ଇକୋସିଷ୍ଟମ୍ ଏବଂ ପୁଷ୍ଟିକର ପ୍ରୋଫାଇଲରେ ପରିବର୍ତ୍ତନ ନେଇ ଯାଞ୍ଚ କରାଯାଇପାରିବ।
ଆକ୍ସିଅମ୍ ସ୍ପେସର ମୁଖ୍ୟ ବୈଜ୍ଞାନିକ ଡକ୍ଟର ଲୁସି ଲୋଭ ବୁଧବାର ଆକ୍ସିଅମ୍-୪ ମିଶନର କ୍ରୁଙ୍କ ସହ କଥା ହୋଇଥିଲେ। ଏହି ଆଲୋଚନାରେ ଭାରତୀୟ ମହାକାଶଚାରୀ ଗ୍ରୁପ୍ କ୍ୟାପ୍ଟେନ୍ ଶୁକ୍ଲା ତାଙ୍କ ଦ୍ୱାରା କରାଯାଉଥିବା ବୈଜ୍ଞାନିକ ପରୀକ୍ଷଣ ବିଷୟରେ ସୂଚନା ଦେଇଥିଲେ ଏବଂ କହିଥିଲେ ଯେ ସେ ବହୁତ ବ୍ୟସ୍ତ। ଶୁଭାଂଶୁ କହିଛନ୍ତି, 'ଯେବେଠାରୁ ଆମେ ଏଠାକୁ ଆସିଛୁ, ଆମେ ବହୁତ ବ୍ୟସ୍ତ ଥିଲୁ। ଆମେ ମହାକାଶ କେନ୍ଦ୍ରରେ ଅନେକ ପରୀକ୍ଷଣ କରୁଛୁ, ଯାହାକୁ ନେଇ ମୁଁ ବହୁତ ଉତ୍ସାହିତ। ଏହି ମିଶନ ମାଇକ୍ରୋଗ୍ରାଭିଟି ଏବଂ ଏହା ଭାରତୀୟ ବୈଜ୍ଞାନିକମାନଙ୍କ ପାଇଁ ନୂତନ ପଥ ଖୋଲିବ। ମୁଁ ବହୁତ ଗର୍ବିତ ଯେ ISRO ବିଶ୍ୱର ବିଭିନ୍ନ ପ୍ରତିଷ୍ଠାନ ସହିତ ମିଶିକି କାମ କରୁଛି। ଶୁଭାଂଶୁ କହିଛନ୍ତି ସେ ଅନେକ ବୈଜ୍ଞାନିକ ପରୀକ୍ଷଣ କରୁଛନ୍ତି, ଯେଉଁଥିରେ ଷ୍ଟେମ୍ ସେଲ୍ର ଅଧ୍ୟୟନ, ମାଇକ୍ରୋଗ୍ରାଭିଟିରେ ବିହନର ବିକାଶ, ମହାକାଶରେ ମସ୍ତିଷ୍କ ଉପରେ ପ୍ରଭାବ ଇତ୍ୟାଦି ରହିଛି।
