ନୂଆଦିଲ୍ଲୀ, ୩/୭: ଅମରନାଥ ଯାତ୍ରା ସାରି ଫେରୁଥିବା ବସର ବ୍ରେକ ଫେଲ। ଫଳରେ ୧୦ ଜଣ ଭକ୍ତ ଗୁରୁତର ଆହତ ହୋଇଛନ୍ତି। ତେବେ ପାର୍ବତ୍ୟର ଉଚ୍ଚତାରେ ଥିବା ସଂକୀର୍ଣ୍ଣ ରାସ୍ତାରେ ବ୍ରେକ ଫେଲ ହେବା ଯୋଗୁଁ ଯାତ୍ରୀମାନେ ଭୟରେ ବସରୁ ଡେଇଁ ପଡିଥିଲେ । ଫଳରେ ଅନେକ ଯାତ୍ରୀ ଆହତ ହୋଇଥିବା ବେଳେ ଏକ ବଡ ଦୁର୍ଘଟଣା ଟଳି ଯାଇଛି। ସେପଟେ ଏହି ଘଟଣାର ଏକ ଭିଡିଓ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି । 

ସୂଚନା ମୁତାବକ, ଅମରନାଥ ପଞ୍ଜାବକୁ ଯାଉଥିବା ଜାତୀୟ ରାଜପଥ ୪୪ରେ ଏହି ଦୁର୍ଘଟଣା ଘଟିଛି । ରାସ୍ତାରେ ଯାଉଥିବା ବେଳେ ବସର ବ୍ରେକ ଫେଲ ହୋଇଥିଲା । ଏନେଇ ବସରେ ଉପସ୍ଥିତ ଥିବା  ଭକ୍ତମାନେ ଏହି ସଂମ୍ପର୍କରେ ସୂଚନା ପାଇବା ପରେ ବସରୁ ଡେଇଁ ପଡିଥିଲେ । ତେବେ ମିଡିଆ ରିପୋର୍ଟ ଅନୁଯାୟୀ, ବସରେ ଉପସ୍ଥିତ ୪୦ ଜଣ ଯାତ୍ରୀ ପଞ୍ଜାବର ଥିଲେ । ଦୁର୍ଘଟଣାରେ କୌଣସି ଜନଜୀବନ କ୍ଷତି ଘଟି ନ ଥିବା ବେଳେ ୧୦ ଜଣ ଆହତ ହୋଇଛନ୍ତି। ଆହତଙ୍କ ମଧ୍ୟରେ  ୬ ଜଣ ପୁରୁଷ  ଥିବା ବେଳେ ୩ ଜଣ ମହିଳା ଓ ଜଣେ ଶିଶୁ ଥିବା ଜଣାପଡିଛି ।