ଚେନ୍ନାଇ,୦୫/୦୭: ତାମିଲନାଡୁ ବିଜେପି ମୁଖ୍ୟ କେ ଆନ୍ନାମଲାଇ ରାଜନୀତିରୁ ୩ ମାସ ବ୍ରେକ୍ ନେଇ ପାଠ ପଢ଼ିବାକୁ ବିଦେଶ ଯିବେ । ଫେଲୋସିପ୍ରେ ସେ ବ୍ରିଟେନ୍ସ୍ଥିତ ୟୁନିଭର୍ସିଟି ଅଫ୍ ଅକ୍ସଫୋର୍ଡରେ ‘ଲିଡରସିପ୍ ଆଣ୍ଡ୍ ଏକ୍ସିଲେନ୍ସ’ ପ୍ରୋଗ୍ରାମ ପାଇଁ ମନୋନୀତ ହୋଇଛନ୍ତି। ରାଜ୍ୟ ବିଜେପି ଓ ନିଜେ ଆନ୍ନାମଲାଇ ଏହି ଖବରକୁ ସ୍ୱୀକାର କରିଛନ୍ତି । କିନ୍ତୁ ଦଳ ପକ୍ଷରୁ ତାଙ୍କ ବିଦେଶ ଗସ୍ତ ନିମନ୍ତେ ଏ ପର୍ଯ୍ୟନ୍ତ ଅନୁମତି ମିଳିନାହିଁ ।
ସାମ୍ବାଦିକଙ୍କ ପ୍ରଶ୍ନର ଉତ୍ତର ଦେଇ ଆନ୍ନାମଲାଇ କହିଛନ୍ତି, ହାଇକମାଣ୍ଡଙ୍କ ଅନୁମତି ମିଳିବା ପରେ ମୁଁ ଏ ବାବଦରେ ଅଧିକ କିଛି କହିପାରିବି। ବିଜେପି ରାଜ୍ୟ ଉପାଧ୍ୟକ୍ଷ କାରୁ ନାଗରାଜନ ଚେନ୍ନାଇରେ ସାମ୍ମାଦିକଙ୍କୁ ସୂଚନା ଦେଇ କହିଛନ୍ତି, ଆନ୍ନାମଲାଇଙ୍କ ଫେଲୋସିପ ପାଠପଢ଼ା ଅବଧି ସେପ୍ଟେମ୍ବରରୁ ଡିସେମ୍ବର ପର୍ଯ୍ୟନ୍ତ ରହିଛି । ଭାରତରୁ ମାତ୍ର ୧୨ ଜଣ ମନୋନୀତ ହୋଇଥିବା ବେଳେ ସେମାନଙ୍କ ମଧ୍ୟରେ ଆନ୍ନାମଲାଇ ରହିଛନ୍ତି । ଆମେ ଆମ ରାଜ୍ୟ ଅଧ୍ୟକ୍ଷଙ୍କୁ ନେଇ ଗୌରାବାନ୍ୱିତ।