ଡେରାଡୁନ୍ - କେଦାରନାଥ-ଯମୁନୋତ୍ରୀ , ବଦ୍ରିନାଥ ଚାରିଧାମ ଯାତ୍ରା ରୁଟ୍ରେ ପାଣିପାଗକୁ ନେଇ ବଡ଼ ଅପଡେଟ୍ ସାମନାକୁ ଆସିଛି। ଚାରିଧାମ ଯାତ୍ରାରେ ବର୍ଷାର ପ୍ରଭାବ ରହିଛି। ଉତ୍ତରାଖଣ୍ଡ ପାଣିପାଗ ପୂର୍ବାନୁମାନରେ ବର୍ଷାକୁ ନେଇ ୟେଲୋ ଆଲର୍ଟ ଜାରି କରାଯାଇଛି। କୁଆପଥର ସହ ଖୁବ୍ ଜୋରରେ ବର୍ଷା ବି ହୋଇପାରେ। ଅନ୍ୟପଟେ , ପ୍ରୀ-ମନସୁନ୍ ବର୍ଷା ପରେ ସଡ଼କ ବନ୍ଦ ହୋଇ ଯାଇଛି ଓ ବ୍ରିଜ୍ କ୍ଷତିଗ୍ରସ୍ତ ହୋଇ ଯାଇଛି। ଏଥିରେ ଲୋକଙ୍କୁ ସମସ୍ୟାର ସାମ୍ନା କରିବାକୁ ପଡ଼ିପାରେ।
ପ୍ରଶାସନ ପକ୍ଷରୁ ବନ୍ଦ ସଡ଼କକୁ ଖୋଲିବାର କାମ ଯୁଦ୍ଧକାଳିନ ଭିତ୍ତିରେ କରାଯାଉଛି। ଉତ୍ତରାଖଣ୍ଡେ ଗତ ୨୪ ଘଣ୍ଟାରେ ପୌଡି , ଉତ୍ତରକାଶୀ ଆଦି ଜିଲ୍ଲାରେ ଭଲ ବର୍ଷା ହୋଇଛି। ପ୍ରଦେଶର ଅନେକ ସ୍ଥାନରେ ୫ ସେମି ଯାଏ ବର୍ଷା ରେକର୍ଡ କରାଯାଇଛି। ପୌଡିରେ କିଛି ସମସ୍ୟା ବି ସାମନାକୁ ଆସିଛି। ବର୍ଷା ଯୋଗୁଁ ନଈ ନାଳରେ ଜଳସ୍ତର ବଢିବାରୁ ଲୋକଙ୍କୁ ନାନା ସମସ୍ୟାରେ ସାମ୍ନା କରିବାକୁ ପଡ଼ିଛି, ଏଥିପାଇଁ ଆଗାମୀ ଦୁଇ ଦିନ ଯାଏ ସତର୍କତାର ଆବଶ୍ୟକତା ରହିଛି।
ପାଣିପାଗ ବିଭାଗର ନିର୍ଦ୍ଦେଶକ ବିକ୍ରମ ସିଂହ କହିଛନ୍ତି , ୨୩ ଓ ୨୪ ମେ’ କୁ ଚାରିଧାମରେ ହାଲକାରୁ ମଧ୍ୟମ ଧରଣର ବର୍ଷା ହୋଇପାରେ।