ନୂଆଦିଲ୍ଲୀ,୨୨।୫:  ହ୍ବାଟସଆପ୍‌ ଲୋକପ୍ରିୟତା କାହାକୁ ଅଛପା ନାହିଁ, କିନ୍ତୁ ଜଣେ ବ୍ୟକ୍ତି ପାଇଁ ଏହି ମେସେଜିଂ ଆପ୍ ଚଳାଇବା ଖୁବ୍ ଭାରି ପଡିଛି। କେବଳ ସେତିକି ନୁହେଁ ଜଣେ ବ୍ୟକ୍ତି ନିଜର ୧ କୋଟି ଟଙ୍କା ହରାଇଛନ୍ତି। ଦିଲ୍ଲୀରୁ ଆସିଛି ଏକ ସାଇବର ଫ୍ରଡ୍ ମାମଲା, ଯେଉଁଠି ଉତ୍ତର ପଶ୍ଚିମ ଦିଲ୍ଲୀରରେ ରହୁଥିବା ଜଣେ ବ୍ୟକ୍ତି ୧ କୋଟି ଟଙ୍କା ହରାଇ ଦେଇଛନ୍ତି। ଏହି ସାଇବର ଫ୍ରଣ୍ଡର ଆରମ୍ଭ ଏକ ହ୍ବାଟସଆପ୍ ଗ୍ରୁପ୍ରୁ ହୋଇଛି। ଏହି ସୂଚନା ଗଣମାଧ୍ୟମ ନିକଟରୁ ମିଳିଛି। 

ଅଭିଯୋଗକାରୀ ପୋଲିସକୁ କହିଛି ସେ ଏକ ହ୍ବାଟସଆପ୍ ଗ୍ରୁପ ସହିତ ଯୋଡି ହୋଇ ରହିଥିଲେ। ଏହି ଗ୍ରୁପ୍ରେ ଦାବି କରାଯାଇଥିଲା ସେ ଏକ ଅଫ୍ଲାଇନ୍ ଇନଭେଷ୍ଟମେଣ୍ଟ ରିସର୍ଚ୍ଚ ଗ୍ରୁପରେ ଅଛନ୍ତି। ଆରମ୍ଭରୁ ଏଥିରେ ୧୫୦ ଲୋକ ଥିଲେ। ଗ୍ରୁପ୍ରେ ଷ୍ଟକ ମାର୍କେଟ ଓ ସେୟାର ମାର୍କେଟିଂ ସମ୍ପର୍କିତ ଟିପ୍ସକୁ ସେୟାର କରାଯାଉଥିଲା।

ପୋଲିସ ସିନିୟର ଅଫିସର କହିଛନ୍ତି, ଭିଟିକ୍ସର ଭରସା ଜିତିବା ପରେ, ତାକୁ ସେୟାର ମାର୍କେଟ ଓ ଷ୍ଟକ ମାର୍କେଟର କିଛି ଇନଭେଷ୍ଟର ଟିପ୍ସ ଦିଆଯାଇଥିଲା। ଏହାପରେ ଭିକ୍ଟିମ୍ ହାଇ ରିଟର୍ଣ୍ଣ ଲୋଭରେ କଛି ଇନଭେଷ୍ଟମେଣ୍ଟ କରିଥିଲେ। ଜାନୁଆରୀରେ ବ୍ୟକ୍ତି ଜଣକ ୫୦ ହଜାର ଟଙ୍କା ଦେଇଥିଲେ, କିନ୍ତୁ ଅଭିଯୁକ୍ତ ତାକୁ ଆହୁରି ଅଧିକ ଟଙ୍କା ଲଗାଇବାକୁ କହିଥିଲା। ପୁଣିଥରେ ଅଭିଯୁକ୍ତ ଜାଲରେ ଫଶି ସେ ଅଧିକ ଟଙ୍କା ଇନଭେଷ୍ଟ କରିଥିଲେ। ଏହାପରେ ଟଙ୍କା ବାହାର କରିବା କଷ୍ଟକର ହୋଇପଡିଥିଲା।

ଟଙ୍କା ବାହାର କରିବା ବେଳେ ସ୍କାମର ପୀଡିତଙ୍କୁ ଅଧିକ ଟଙ୍କା ଡିମାଣ୍ଡ କରିଥିଲା। ଏହାପରେ ଭିକ୍ଟିମ୍ ଟୋଟାଲ ୧.୧୩ କୋଟି ଟଙ୍କା ଇନଭେଷ୍ଟ କରିଥିଲା। ପରେ ଜଣାପଡିଥିଲା ସେ ସାଇବର ଫ୍ରଡର ଶିକାର ହୋଇଛନ୍ତି। ପୋଲିସ ପୁରା ମାମଲାର ସୂଚନା ଦେଇଥିଲା ଓ ତା’ର ଅଭିଯୋଗ ମଧ୍ୟ ଦାଖଲ କରିଥିଲା। ପୋଲିସ ତଦନ୍ତ ବେଳେ ଜାଣିବାକୁ ପାଇଥିଲା ପୀଡିତ ଲଗାତାର ଇନଭେଷ୍ଟମେଣ୍ଟ କରୁଥିଲେ ଓ ଏହି ଖେଳ ପ୍ରାୟ ୫୫ ଦିନ ପର୍ଯ୍ୟନ୍ତ ଚାଲିଥିଲା। ପୋଲିସ କହିଛି, ସବୁ ଟ୍ରାଞ୍ଜାକସନ୍ ଅନଲାଇନ ହୋଇଛି। ପୀଡିତଙ୍କୁ ଏକ ଫେକ ଓ୍ବେବପେଜ୍ରେ ଫେକ୍ ପ୍ରଫିଟ୍ ଦେଖାଯାଇଥିଲା, ସେଠାରେ ଇନଭେଷ୍ଟମେଣ୍ଟର ପ୍ରଫିଟ୍ ପ୍ରାୟ ୭.୪ କୋଟି ରଖା ଯାଇଥିଲା।