ନୂଆଦିଲ୍ଲୀ,୧୨/୦୨: ଏବେ ଦେଶର ଅଟୋମୋବାଇଲ ଶିଳ୍ପ ଦ୍ରୁତ ଅଭିବୃଦ୍ଧି କରୁଛି । ବିଶ୍ୱର ପ୍ରମୁଖ କମ୍ପାନିଗୁଡିକ ଭାରତରେ ଉପସ୍ଥିତି ବଢ଼ାଇଛନ୍ତି । ଏ କ୍ଷେତ୍ରରେ ରହିଛି ବ୍ୟାପକ ସମ୍ଭାବନା । ୨୦୨୯ ବେଳକୁ ଭାରତ ବିଶ୍ୱର ୧ ନମ୍ବର ଅଟୋମୋବାଇଲ ବଜାର ହେବ ବୋଲି କେନ୍ଦ୍ର ସଡ଼କ, ପରିବହନ ଓ ରାଜପଥ ମନ୍ତ୍ରୀ ନୀତିନ ଗଡକରି କହିଛନ୍ତି ।
ଦେଶର ଭିତ୍ତିଭୂମି ବିକାଶ ଉପରେ ସରକାର ଧ୍ୟାନ କେନ୍ଦ୍ରିତ କରିଛନ୍ତି । ବଜେଟ୍ରେ ପୁଞ୍ଜି ବ୍ୟୟକୁ ଦିଆଯାଉଛି ସର୍ବୋଚ୍ଚ ପ୍ରାଥମିକତା । ବିଶ୍ୱ ସ୍ତରୀୟ ସଡ଼କ ନେଟ୍ୱର୍କ, ବିକଳ୍ପ ଇନ୍ଧନ ସହ ଲଜିଷ୍ଟିକ୍ସ ଖର୍ଚ୍ଚ କମାଇବା ଉପରେ ସରକାର ଲଗାତାର କାମ କରୁଛନ୍ତି । ଏହା ଅଟୋମୋବାଇଲ ଶିଳ୍ପ ଉପରେ ଭଲ ପ୍ରଭାବ ପକାଉଛି ବୋଲି ଗଡକରି କହିଛନ୍ତି ।
